'వీరసింహారెడ్డి' షూట్ అప్డేట్
cinema | Suryaa Desk | Published : Tue, Nov 08, 2022, 07:10 PM
గోపీచంద్ మలినేని దర్శకత్వంలో నటసింహ బాలకృష్ణ సినిమా చేస్తున్నట్లు ప్రకటించిన సంగతి అందరికి తెలిసిన విషయమే. ఈ సినిమాకి 'వీర సింహారెడ్డి' అనే టైటిల్ ని లాక్ చేసారు. 2023 సంక్రాంతికి భారీగా విడుదల కానుంది. లేటెస్ట్ అప్డేట్ ప్రకారం, రేపటి నుండి అనంతపురంలో ఈ సినిమా కొత్త షెడ్యూల్ ప్రారంభం కానుంది అని సమాచారం. రేపు పెన్నోబిలం లక్ష్మీనరసింహస్వామి ఆలయంలో చిత్రీకరణ జరుపుకోనుంది. నవంబర్ 10, 11 తేదీల్లో ఆమిధ్యల, రాకెట్ల, ఉరవకొండలో చిత్రీకరణ జరుగుతుంది. చివరగా 12, 13 తేదీల్లో పెనుగొండ కోటలో చిత్రీకరణ జరుపనున్నారు అని లేటెస్ట్ టాక్.
గతంలో విడుదలైన ఈ సినిమా ఫస్ట్లుక్, టీజర్కి అభిమానుల నుంచి మంచి స్పందన వచ్చింది. ఈ సినిమా ప్రేక్షకుల్లో మంచి బజ్ క్రియేట్ చేసింది. నవంబర్లో ఈ సినిమా ట్రైలర్ను విడుదల చేయనున్నట్లు మూవీ మేకర్స్ వెల్లడించారు. ఈ యాక్షన్ డ్రామా సినిమాలో బాలయ్య సరసన శృతి హాసన్ జోడిగా నటిస్తోంది. ఈ సినిమాలో వరలక్ష్మి శరత్కుమార్, దునియా విజయ్ కీలక పాత్రలో కనిపించనున్నారు. మైత్రీ మూవీ మేకర్స్ నిర్మించిన ఈ చిత్రానికి థమన్ ఎస్ సంగీతం అందించారు.
|
|