ఈ వారం OTT లో ప్రసారానికి అందుబాటులోకి వచ్చిన కొత్త టైటిల్స్
cinema | Suryaa Desk | Published : Fri, Nov 04, 2022, 09:01 PM
ది ఘోస్ట్ :
ప్రవీణ్ సత్తారు దర్శకత్వంలో కింగ్ నాగార్జున నటించిన 'ది ఘోస్ట్' సినిమా అక్టోబర్ 5, 2022న ప్రపంచవ్యాప్తంగా థియేటర్లలో విడుదల అయ్యింది. ఎగ్జిక్యూషన్లో సమస్యల కారణంగా ఈ సినిమా సినీ ప్రేమికులని ఆకట్టుకోలేకపోయింది. ఈ సినిమా డిజిటల్ స్ట్రీమింగ్ రైట్స్ ని నెట్ఫ్లిక్స్ భారీ మొత్తానికి సొంతం చేసుకున్న సంగతి అందరికి తెలిసిందే. తాజాగా ఇప్పుడు ఈ చిత్రం నవంబర్ 2న నెట్ఫ్లిక్స్ లో డిజిటల్ స్ట్రీమింగ్ కి అందుబాటులోకి వచ్చింది.
ఈ యాక్షన్ థ్రిల్లర్ సినిమాలో నాగార్జున, సోనాల్ చౌహాన్ ఇద్దరూ ఇంటర్పోల్ ఆఫీసర్స్గా కనిపించనున్నారు. బాలీవుడ్ యాక్టర్ మనీష్ చౌదరి ఈ చిత్రంలో విలన్గా నటిస్తున్నారు. గుల్ పనాగ్, అనిఖా సురేంద్రన్, శ్రీకాంత్ అయ్యంగార్ మరియు రవివర్మ ముఖ్యమైన పాత్రల్లో నటిస్తున్నారు. శ్రీవెంకటేశ్వర సినిమాస్ ఎల్ఎల్పి మరియు నార్త్స్టార్ ఎంటర్టైన్మెంట్ బ్యానర్లు నిర్మించిన ఈ చిత్రానికి భరత్-సౌరభ్ సంగీతం అందించారు.
బ్రహ్మాస్త్ర :
అయాన్ ముఖర్జీ దర్శకత్వంలో బాలీవుడ్ స్టార్ హీరో రణబీర్ కపూర్ నటించిన 'బ్రహ్మాస్త్ర' సినిమా సెప్టెంబర్ 9, 2022న ప్రపంచవ్యాప్తంగా థియేటర్లలో విడుదలయ్యింది. ఈ సినిమా డిజిటల్ స్ట్రీమింగ్ రైట్స్ ని డిస్నీ ప్లస్ హాట్స్టార్ సొంతం చేసుకున్న సంగతి అందరికి తెలిసిందే. తాజాగా ఇప్పుడు ఈ యాక్షన్-అడ్వెంచర్ చిత్రం నవంబర్ 4 నుండి డిస్నీ ప్లస్ హాట్స్టార్లో ప్రీమియర్ కి అందుబాటులోకి వచ్చింది.
ఈ చిత్రంలో రణబీర్ కపూర్ సరసన బాలీవుడ్ బ్యూటీ క్వీన్ అలియా భట్ జంటగా నటించారు. అమితాబ్ బచ్చన్, మౌని రాయ్, నాగార్జున అక్కినేని ఈ సినిమాలో కీలక పాత్రలలో కనిపించనున్నారు. ఫాక్స్ స్టార్ స్టూడియోస్, ధర్మ ప్రొడక్షన్స్, ప్రైమ్ ఫోకస్ అండ్ స్టార్లైట్ పిక్చర్స్ ఈ సినిమాని నిర్మిస్తున్నాయి.
కైయుం కలవుం :
వర్ష వాసుదేవ్ దర్శకత్వం లో అదితి రవి, ఉన్ని ముకుందన్, నీతా ప్రోమి మరియు ఇతర ముఖ్య పాత్రల్లో నటించిన ఈ తమిళ సినిమా నవంబర్ 4న సోనీ LIVలో స్ట్రీమింగ్ ప్రారంభమవుతుంది.
|
|