ట్రెండింగ్
వేసవికి వాయిదా పడిన 'ఆదిపురుష్'
cinema | Suryaa Desk | Published : Mon, Oct 31, 2022, 05:52 PM
బాలీవుడ్ డైరెక్టర్ ఓం రౌత్తో పాన్ ఇండియన్ స్టార్ ప్రభాస్ "ఆదిపురుష్" సినిమా తీసుతున్న సంగతి అందరికి తెలిసిన విషయమే. ఈ హై బడ్జెట్ మైథలాజికల్ మూవీలో ప్రభాస్ సరసన బ్యూటీ క్వీన్ కృతి సనన్ నటిస్తుంది. సైఫ్ అలీఖాన్ ఈ సినిమాలో లంకేష్ రోల్ చేయనున్నారు. ఇటీవలే విడుదలైన ఈ సినిమా ఫస్ట్లుక్, టీజర్కి ప్రేక్షకుల నుండి అద్భుతమైన స్పందన వచ్చింది.
లేటెస్ట్ అప్డేట్ ప్రకారం, ఈ సినిమా సంక్రాంతి రేసు నుంచి ఔట్ అయి సమ్మర్కి వాయిదా పడిందని ఫిలిం ఇండస్ట్రీలో లేటెస్ట్ టాక్. ఈ విషయం గురించి మూవీ మేకర్స్ ఇంకా అధికారకంగా ప్రకటించనప్పటికీ సోషల్ మీడియాలో వైరల్గా మారింది. T-సిరీస్ అండ్ రెట్రోఫిల్స్ నిర్మిస్తున్న ఈ సినిమాకి 400 కోట్లకు పైగా ఖర్చు చేశారని సమాచారం. ఈ సినిమా డబ్బింగ్ వెర్షన్ కన్నడ, మలయాళం, తమిళ భాషల్లో విడుదల కానుంది అని మేకర్స్ వెల్లడించారు.
|
|