'ఇండియన్ 2' కి సంబంధించిన కీలక అప్డేట్ను వెల్లడించిన శంకర్
cinema | Suryaa Desk | Published : Wed, Sep 07, 2022, 08:56 PM
కోలీవుడ్ స్టార్ హీరో కమల్ హాసన్ దర్శకుడు శంకర్ తో 'భారతీయుడు 2' సినిమాని అధికారకంగా ప్రకటించిన సంగతి అందరికి తెలిసిందే. చాలా కాలంగా పెండింగ్ లో ఉన్న ఈ సినిమాను ఆగస్టులో మూవీ మేకర్స్ ప్రారంభించారు. తాజాగా ఇప్పుడు భారతీయుడు 2 షూటింగ్కి సంబంధించి కీలక అప్డేట్ను దర్శకుడు శంకర్ వెల్లడించాడు. చెన్నైలో జరిగిన పొన్నియన్ సెల్వన్ -1 ఆడియో మరియు ట్రైలర్ లాంచ్ ఈవెంట్కు హాజరైన శంకర్, ఇటీవల భారతీయుడు 2 కొత్త షెడ్యూల్ను పూర్తి చేశామని వెల్లడించారు. అంతేకాకుండా ఈ సినిమా కొత్త షెడ్యూల్ను సెప్టెంబర్ మూడవ వారంలో ప్రారంభిస్తున్నట్లు ప్రకటించారు. ఈ షెడ్యూల్లో కమల్ హాసన్ మరియు మిగిలిన ప్రధాన తారాగణం షూటింగ్లో పాల్గొంటారని శంకర్ వెల్లడించారు. ఈ చిత్రంలో సిద్ధార్థ్, రకుల్ ప్రీత్ సింగ్, ప్రియా భవానీ శంకర్, బాబీ సింహా తదితరులు ముఖ్య పాత్రలు పోషిస్తున్నారు. ఉదయనిధి యొక్క రెడ్ జెయింట్ ఈ చిత్రాన్ని లైకా ప్రొడక్షన్స్తో కలిసి నిర్మిస్తుంది.
|
|