టాలీవుడ్లో పూర్తిగా భిన్నమైన ఆధ్యాత్మిక మరియు మిస్టరీ థ్రిల్లర్ జోనర్లో వస్తున్న మోస్ట్ అంటెసిపేటెడ్ ప్రాజెక్ట్ ‘మహేంద్రగిరి వారాహి’. సుమంత్ మరియు ఐశ్వర్య రాజేష్ ప్రధాన పాత్రల్లో నటిస్తున్న ఈ చిత్రానికి సంతోష్ జాగర్లపూడి దర్శకత్వం వహిస్తున్నారు. మహేంద్రగిరి నేపథ్యంగా, వారాహి అమ్మవారి దివ్య శక్తి చుట్టూ అల్లుకున్న అంతుచిక్కని రహస్యాలు, సంఘటనలతో ఈ సినిమా ప్రేక్షకులకు సరికొత్త అనుభూతిని పంచనుంది. ఇప్పటికే విడుదలైన ప్రమోషనల్ కంటెంట్ సినిమాపై భారీ అంచనాలను క్రియేట్ చేసింది.
ఈ నేపథ్యంలో చిత్ర యూనిట్ తాజాగా మరో పవర్ఫుల్ అప్డేట్తో ముందుకు వచ్చింది. యువ సామ్రాట్ నాగ చైతన్య చేతుల మీదుగా ఈ చిత్రంలోని ‘ది రేజ్ ఆఫ్ వారాహి’ (The Rage of Varahi) సాంగ్ను గ్రాండ్గా లాంచ్ చేశారు. ఈ పాట సినిమా స్థాయిని మరో మెట్టు ఎక్కించిందని చెప్పవచ్చు.
అనూప్ రూబెన్స్ అందించిన సంగీతం ఈ పాటకు ప్రాణం పోసింది. కడలి సత్యనారాయణ రాసిన సాహిత్యం అత్యంత శక్తివంతంగా ఉండగా, నకాష్ అజీజ్ తన ఎనర్జిటిక్ వోకల్స్తో పాటను వేరే లెవెల్కు తీసుకెళ్లారు. వారాహి అమ్మవారి శక్తిని, సినిమాలోని ఇంటెన్స్ వరల్డ్ను ఈ గీతం అద్భుతంగా ఎలివేట్ చేసింది.
ఈ చిత్రంలో మీనాక్షి గోస్వామి, మాళవిక నాయర్, బ్రహ్మానందం, వెన్నెల కిషోర్, రాజీవ్ కనకాల, అలీ వంటి ప్రముఖ తారాగణం కీలక పాత్రలు పోషిస్తున్నారు. రాజశ్యామల ఎంటర్టైన్మెంట్స్ మరియు బ్రిడ్జ్ ఫిలిమ్స్ బ్యానర్లపై కలిపు మధు, లక్ష్మణ్ సంయుక్తంగా ఈ చిత్రాన్ని నిర్మిస్తున్నారు. అన్ని కార్యక్రమాలను పూర్తి చేసుకున్న ఈ ఆధ్యాత్మిక మిస్టరీ థ్రిల్లర్ సెప్టెంబర్ 11న ప్రపంచవ్యాప్తంగా గ్రాండ్గా ప్రేక్షకుల ముందుకు రానుంది.
