ప్రస్తుత యువత ట్రెండ్కు తగినట్లుగా పూర్తిగా కొత్త తరహా కథాంశంతో వస్తున్న సినిమా ‘డెలులు’. సోషల్ మీడియాలో, ముఖ్యంగా జెన్-జెడ్ (Gen-Z) ట్రెండ్స్లో విపరీతంగా వినిపిస్తున్న ‘డెలూషనల్’ (Delusional) అనే పదం ఆధారంగా ఈ టైటిల్ను ఖరారు చేశారు. ఊహలకు, వాస్తవానికి మధ్య నడిచే ఆసక్తికరమైన భావోద్వేగాలను ఈ చిత్రంలో వెండితెరపై ఆవిష్కరించనున్నారు. తాజాగా ఓ ప్రతిష్టాత్మక కాలేజీ స్టూడెంట్ ఈవెంట్లో చిత్ర యూనిట్ ఈ క్రేజీ టైటిల్ను గ్రాండ్గా అనౌన్స్ చేసింది.
క్రియేటివ్ లాంచ్ప్యాడ్ బ్యానర్పై సంకీర్త్ కొండ ఈ చిత్రాన్ని నిర్మిస్తుండగా, ప్రీతం కస్తూరి దర్శకత్వం వహిస్తున్నారు. ఈ సినిమాకు విజయ్ రాజ్కుమార్ కథ అందించడంతో పాటు అదనపు సంభాషణలు రాశారు. అలాగే రెష్మిత్ ఎస్ కౌశిక స్క్రీన్ప్లే, మాటలు సమకూరుస్తుండగా, జై రాజ్ నాయుడు సినిమాటోగ్రఫీ, హరికృష్ణ కురపాటి ఎడిటింగ్ బాధ్యతలు నిర్వహిస్తున్నారు. ఆది చెబ్రోలు సంగీతం అందిస్తున్న ఈ చిత్రంలో విజయ్ రాజ్కుమార్, వేణి రావు, అఖిల్ జాక్సన్, సాయి ప్రసన్న, శ్రీ రామ మండవ, అభినయ్ తుల తదితరులు ప్రధాన తారాగణంగా నటిస్తున్నారు.
యూత్ను పూర్తిగా ఆకట్టుకునేలా రూపొందుతున్న ఈ మూవీకి సంబంధించిన అధికారిక టీజర్ సెప్టెంబర్ 3న విడుదల కానుంది. ట్రెండింగ్ టైటిల్, కొత్త తరహా మేకింగ్తో వస్తున్న ఈ సినిమాపై ఇండస్ట్రీలోనూ, యువతలోనూ మంచి అంచనాలు నెలకొన్నాయి.
