టాలీవుడ్ బోల్డ్ అండ్ సంచలన దర్శకుడు సందీప్ రెడ్డి వంగా మరోసారి తనదైన శైలిలో చేసిన వ్యాఖ్యలతో ఇండస్ట్రీలో చర్చనీయాంశంగా మారారు. సెన్సిబుల్ అండ్ ఎమోషనల్ డైరెక్టర్గా పేరు తెచ్చుకున్న శేఖర్ కమ్ముల సినిమాలపై ఆయన చేసిన కామెంట్స్ ఇప్పుడు నెట్టింట వైరల్ అవుతున్నాయి.
ఇటీవల జరిగిన ‘ఎపిక్’ మూవీ ఈవెంట్లో పాల్గొన్న సందీప్ రెడ్డి వంగా సినిమా విశేషాలను పంచుకుంటూ ఆసక్తికర విషయాలు వెల్లడించారు. శేఖర్ కమ్ముల సినిమాలలో తనకు హీరోలు పెద్దగా నచ్చరని, అయితే ఆయన తెరకెక్కించే హీరోయిన్ పాత్రలు మాత్రం చాలా బాగుంటాయని మనసులోని మాటను కుండబద్దలు కొట్టినట్లు చెప్పారు. ముఖ్యంగా ‘ఎపిక్’ చిత్రంలో హీరోయిన్ క్యారెక్టరైజేషన్ తన సినిమాల్లో ఉండే హీరోల తరహాలో పవర్ఫుల్గా ఉంటుందని చెప్పడం తనకు బాగా నచ్చిందని ఆయన పేర్కొన్నారు.
ఇదే వేదికపై తన సినిమా టేస్ట్ గురించి మాట్లాడుతూ.. తెలుగులో క్లాసిక్ లవ్ స్టోరీలంటే తనకు ఎంతో ఇష్టమని, అందులోనూ మణిరత్నం తెరకెక్కించిన ‘గీతాంజలి’ సినిమా అంటే తనకెంతో ప్రత్యేకమైన అభిమానమని మనసులో మాట బయటపెట్టారు. ప్రస్తుతం పాన్ ఇండియా స్టార్ ప్రభాస్ హీరోగా ‘స్పిరిట్’ సినిమాను అత్యంత ప్రతిష్టాత్మకంగా తెరకెక్కిస్తున్న సందీప్ వంగా.. తన సినిమాలతో పాటు ఇతరుల చిత్రాలపై ఆయన వ్యక్తం చేసే అభిప్రాయాలు తరచూ సోషల్ మీడియాలో హాట్ టాపిక్ మారుతుంటాయి.
