'ది గ్రేట్ ప్రీ వెడ్డింగ్ షో' చిత్రంతో ఘన విజయం సాధించిన 7 పి.ఎం. ప్రొడక్షన్స్ సంస్థ నిర్మాణ రంగంలో దూకుడు పెంచింది. తాజాగా నూతన నటీనటులు మరియు టెక్నీషియన్లతో సరికొత్త సినిమాను ప్రారంభించింది. 'ఇ.ఎం.ఐ' (EMI) అనే ఆసక్తికరమైన టైటిల్తో తెరకెక్కుతున్న ఈ చిత్రానికి నిఖిల్ కువ్వరపు దర్శకత్వం వహిస్తున్నారు.
వివిధ వెబ్ సిరీస్లతో గుర్తింపు తెచ్చుకున్న దరహాస్ ఈ సినిమాతో హీరోగా పరిచయం అవుతుండగా, 'లిటిల్ హార్ట్స్' ఫేమ్ శైలజ కథానాయకిగా నటిస్తోంది. పూజా కార్యక్రమాలతో లాంఛనంగా ప్రారంభమైన ఈ చిత్ర ముహూర్తపు సన్నివేశానికి నటుడు ఆది సాయికుమార్ క్లాప్ ఇవ్వగా, దర్శకుడు సాయి మార్తాండ్ కెమెరా స్విచ్ఛాన్ చేశారు. అలాగే దర్శకుడు రాహుల్ శ్రీనివాస్ స్క్రిప్ట్ అందజేశారు.
మధ్యతరగతి జీవితాల్లో ప్రతీ వస్తువు కొనుగోలుకు ఇ.ఎం.ఐ కష్టాలు ఏ విధంగా ఉంటాయనే పాయింట్ చుట్టూ ఈ కథ తిరుగుతుంది. యూత్ మరియు ఫ్యామిలీ ఆడియెన్స్ను ఒకేలా ఆకట్టుకునేలా హార్ట్ టచింగ్ ఎమోషన్స్తో పూర్తి స్థాయి ఎంటర్టైనర్గా ఈ చిత్రాన్ని రూపొందిస్తున్నారు.
ఇక ఈ సినిమాతో పాటు దర్శకుడు రాహుల్ శ్రీనివాస్ కాంబినేషన్లో మరో భారీ ప్రాజెక్ట్ను కూడా 7 పి.ఎం. ప్రొడక్షన్స్ ప్రకటించింది. రాబోయే రోజుల్లో వైవిధ్యమైన కథాంశాలతో వరుస చిత్రాలను నిర్మించేందుకు ప్రణాళికలు రచిస్తున్నట్లు మేకర్స్ వెల్లడించారు.
