BREAKING
టెక్కలి మేజర్ పంచాయతీ సర్పంచ్ బరిలో కోళ్ల లవకుమార్.. పార్టీ కష్టకాలంలో వెన్నంటి నిలిచిన యువనేత ధర్మసాగర్ పోలీస్ స్టేషన్ ను తనిఖీ చేసిన ఏసిపి లక్ష్యాన్ని నిర్దేశించుకుని క్రమశిక్షణతో చదవాలి ఎస్ ఆర్ కె పాఠశాలలో ఘనంగా బాలల దినోత్సవం ధర్మసాగర్ గ్రామపంచాయతీలో చేయూత పెన్షన్ ప్రొసీడింగ్ కాపీలు పంపిణీ ధర్మసాగర్ లో చాచా నెహ్రూ పుట్టినరోజు వేడుకలు ఘనంగా గ్రంధాలయ వారోత్సవాలు కుందారం గ్రామంలో ఘనంగా బాలల దినోత్సవ వేడుకలు భక్తి పరవశంతో నగర సంకీర్తన ముగిసిన జాతీయ సదస్సు అన్వేషణ సౌత్ జోన్ విజేతగా ఎస్వీయూ బాల్య వివాహాలను అరికడదాం ఘనంగా గ్రంధాలయ వారోత్సవాలు ప్రారంభం బాలల సమస్యల పరిష్కారానికి ప్రత్యేక కృషి చేస్తాం వికసిత్ భారత్ యువత లక్ష్యం... -ఎస్విసిఈలో రాష్ట్ర స్థాయి పోటీలకు ఎంపికలు

సుమ నా ప్రాణదాత.. కన్నీరు పెట్టుకున్న సీనియర్ నటి సుభాషిణి!

Select Suryaa Now
సుమ నా ప్రాణదాత.. కన్నీరు పెట్టుకున్న సీనియర్ నటి సుభాషిణి!

సూర్య ఎంటర్‌టైన్‌మెంట్ డెస్క్: టాలీవుడ్‌లో తనకంటూ ప్రత్యేకమైన గుర్తింపు తెచ్చుకున్న సీనియర్ నటి సుభాషిణి మాట్లాడిన మాటలు ప్రస్తుతం సోషల్ మీడియాలో తీవ్ర చర్చనీయాంశంగా మారాయి. అనేక చిత్రాల్లో వైవిధ్యమైన పాత్రల్లో నటించి ప్రేక్షకులను అలరించిన సుభాషిణి, అల్లరి సినిమాతో తన నటనకు మరింత పేరు తెచ్చుకున్నారు. తాజాగా జరిగిన ఒక కార్యక్రమంలో పాల్గొన్న ఆమె తన జీవితంలో ఎదుర్కొన్న కష్టాలను గుర్తుచేసుకుంటూ తీవ్ర భావోద్వేగానికి గురయ్యారు. ఆపద సమయంలో ప్రముఖ యాంకర్ సుమ తనకు అందించిన సహాయాన్ని తలుచుకుంటూ ఆమె కన్నీరు పెట్టుకున్న వీడియో ఒకటి ప్రస్తుతం నెట్టింట విపరీతంగా వైరల్ అవుతోంది.

తన జీవితం ఆర్థిక ఇబ్బందులతో సతమతమవుతున్న అత్యంత కష్టకాలంలో ఎవరూ ఆదుకోని పరిస్థితులలో సుమ తనకు నిజమైన ప్రాణదాతలా నిలిచారని సుభాషిణి ఆ వీడియోలో పేర్కొన్నారు. ఆర్థికంగా ఇబ్బందులు పడుతున్న సమయంలో సుమ మరియు ఆమె భర్త రాజీవ్ తనకు వెన్నుదెసగా నిలిచి అండగా నిలబడ్డారని తెలిపారు. తనకు పునర్జన్మ ప్రసాదించడంలో వారిద్దరి పాత్ర ఎంతో కీలకమని చెబుతూ ఆమె స్టేజీపైనే కంటతడి పెట్టుకున్నారు. తనకు చేసిన సాయాన్ని జన్మలో ఎప్పటికీ మర్చిపోలేనని, మరో జన్మంటూ ఉంటే తనకు సుమలాంటి కూతురు పుట్టాలని మనస్ఫూర్తిగా ఆకాంక్షించారు. ఆమె మాట్లాడిన మాటలు అక్కడ ఉన్న ప్రతి ఒక్కరిని కంటతడి పెట్టించగా, సుభాషిణి మాటలకు రాజీవ్ సైతం తీవ్రంగా ఎమోషనల్ అయ్యారు.

తెలుగు తెరపై ఎన్నో అద్భుతమైన పాత్రలతో ప్రేక్షకులను అలరించిన నటీమణులు కొందరు జీవిత చరమాంకంలో ఇలాంటి ఆర్థిక ఇబ్బందులను ఎదుర్కొంటుండటం సినీ పరిశ్రమలో తరచూ చర్చకు వస్తుంటుంది. అయితే తోటి కళాకారులకు కష్టమొస్తే తెరవెనుక నిశ్శబ్దంగా సహాయం చేసే సుమ వంటి ప్రముఖుల మంచి మనసును అందరూ ఈ వీడియో చూసి ప్రశంసిస్తున్నారు. కేవలం ప్రొఫెసర్‌నల్ లైఫ్‌లోనే కాకుండా మానవతా దృక్పథంతో తోటి నటీనటులను ఆదుకునే సుమ గుణం ఎంతో మందికి స్ఫూర్తిదాయకమని నెటిజన్లు అభిప్రాయపడుతున్నారు. సుభాషిణి తన ఆవేదనను పంచుకున్న ఈ సంఘటనకు సంబంధించిన వీడియో దృశ్యాలు ప్రస్తుతం సోషల్ మీడియాలో తెగ చక్కర్లు కొడుతున్నాయి.