పిరికెడు ధనియాలు ఉంటే చాలు, థైరాయిడ్ సమస్యలకు చెక్

బీపీ, షుగర్ తో పాటు ఎక్కువ మందిని ఇబ్బంది పెడుతున్నాయి థైరాయిడ్ సమస్యలు. కొందరు హైపోథైరాయిడ్ తో బాధ పడుతుంటే మరి కొందరు హైపర్ థైరాయిడ్ తో అవస్థలు పడుతున్నారు. ముఖ్యంగా మహిళల్లో ఈ సమస్యలు ఎక్కువగా వస్తున్నాయి. శరీరంలో రకరకాల మార్పులు వస్తాయి. కొంత మంది ఉన్నట్టుండి బరువు పెరుగుతారు. ఇంకొందరిలో నెలసరి సరిగ్గా రాదు. మరి కొందరిలో బాడీ మెటబాలిజం దెబ్బ తింటుంది. ఇలా ఇబ్బందులు పడినప్పుడు మందులు వాడుతుంటారు. మెడికేషన్ ఫాలో అవడంలో తప్పేమీ లేదు. అది అవసరం కూడా. కానీ దాంతో పాటుగా కొన్ని చిట్కాలు పాటిస్తే త్వరగా సమస్య నుంచి బయటపడవచ్చు. అలాంటి ఓ చిట్కా గురించి చెప్పారు ఎక్స్ పర్ట్. కేవలం పిరికెడు ధనియాలతోనే ధైరాయిడ్ సమస్యలకు చెక్ పెట్టవచ్చు అని వివరించారు. మరి ధనియాలకి, థైరాయిడ్ కి లింక్ ఏంటి, ఎలా వాడితే తగ్గుతుందో తెలుసుకుందాం.

ధనియాలు

ధనియాలను వంట కోసం రెగ్యులర్ గా వాడుతూనే ఉంటారు. కాకపోతే పొడి రూపంలో వినియోగిస్తారు. ఏ కూర చేసినా సరే కాస్తంత ధనియాల పొడి వేస్తే వాసన అదిరిపోతుంది. అంతే కాదు. రుచి కూడా మారిపోతుంది. ఆ ధనియాల ఫ్లేవర్ వచ్చిందంటే చాలు. కూర చాలా టేస్టీగా అనిపిస్తుంది. అయితే..ధనియాలు కేవలం రుచి కోసమే కాదు. ఎన్నో ఏళ్లుగా ఆయుర్వేదంలో వీటికి ప్రాధాన్యత ఉంది. జీర్ణ సమస్యలను పోగొట్టడం నుంచి షుగర్ లెవెల్స్ ని కంట్రోల్ చేయడం వరకూ ఎన్నో విధాలుగా ఇవి ఉపయోగపడతాయి. వీటిలో యాంటీ ఇన్ ఫ్లమేటరీ గుణాలు పుష్కలంగా ఉంటాయి. బీపీ, కొలెస్ట్రాల్, క్యాన్సర్, డయాబెటిస్..ఇలా అన్ని జబ్బులకూ ఇవి చెక్ పెట్టేస్తాయి. అన్ని ఔషధ గుణాలు ఇందులో ఉంటాయి. అయితే..ఈ అన్ని వ్యాధులతో పాటు థైరాయిడ్ ని తగ్గించడంలోనూ ఇది తోడ్పడుతుంది.

థైరాయిడ్ 

​థైరాయిడ్ గ్రంథి పని తీరు సరిగ్గా లేనప్పుడు ఈ వ్యాధి వస్తుంది. ఇందులో రెండు రకాలుంటాయి. హైపోథైరాయిడిజం..అంటే థైరాయిడ్ హార్మోన్స్ తక్కువగా విడుదల కావడం. ఇక రెండోది హైపర్ థైరాయిడిజం. అంటే హార్మోన్స్ ఎక్కువ మొత్తంలో రిలీజ్ కావడం. అయితే..హైపోథైరాయిడిజం వచ్చినప్పుడు బరువు పెరగడం, అలసటతో పాటు మలబద్ధకం లాంటి లక్షణాలు కనిపిస్తాయి. ఇక హైపర్ థైరాయిడిజం వచ్చినప్పుడు ఉన్నట్టుండి బరువు తగ్గడం, ఆందోళన, తరచూ చెమటలు పట్టడం లాంటి సింప్టమ్స్ కనిపిస్తాయి. ఈ లక్షణాలను బట్టి అది ఏ రకమైన సమస్య అని గుర్తించవచ్చు. వీటిని మందులతో తగ్గించుకోవచ్చు. అదే సమయంలో ఇప్పుడు చెప్పే చిట్కా పాటిస్తే సరిపోతుంది.

ధనియాల చిట్కా

థైరాయిడ్ అంటే ఏంటి, ధనియాల ఉపయోగాలేంటి. ఈ రెండింటి గురించి తెలుసుకున్నాం. ఇప్పుడు ధనియాలతో థైరాయిడ్ ఎలా తగ్గించుకోవాలో చూద్దాం. ధనియాలు తీసుకోవడం వల్ల థైరాయిడ్ గ్రంథి పని తీరు మెరుగవుతుంది. ముఖ్యంగా థైరాయిడ్ హార్మోన్స్ మరీ ఎక్కువగా కాకుండా, మరీ తక్కువగా కాకుండా సరైన విధంగా విడుదలయ్యేలా ధనియాలు తోడ్పడతాయి. వీటిలో T3, T4 హార్మోన్స్ విడుదలయ్యేందుకు సహకరిస్తాయి. తద్వారా మెటబాలిజం మెరుగవుతుంది. ధనియాలలో విటమిన్ సి అధికంగా ఉంటుంది. ఇది ఇమ్యూనిటీని పెంచుతుంది. ఇక వీటిలో ఉండే విటమిన్ కె ఎముకల ఆరోగ్యాన్ని కాపాడుతుంది. క్యాల్షియం వల్ల ఎముకలు గట్టి పడతాయి. అదే విధంగా థైరాయిడ్ గ్రంథి పని తీరు మెరుగవుతుంది. మెగ్నీషియం, పొటాషియం కండారల పని తీరుని మెరుగు పరుస్తాయి.

ఎలా వాడాలి

థైరాయిడ్ తగ్గడానికి ధనియాలను కొన్ని పద్ధతుల్లో వాడవచ్చు. మొట్టమొదట ధనియాల వాటర్ గురించి తెలుసుకుందాం. రెండు కప్పుల నీళ్లలో ధనియాలు వేసి రాత్రంతా నానబెట్టాలి. మరుసటి రోజు ఉదయం ఈ నీటిని వడబోసి తాగాలి. పరగడుపున తీసుకుంటే రెట్టింపు ప్రయోజనాలుంటాయి. ఇక ధనియాలను మరో విధంగా కూడా వాడవచ్చు. ధనియాల పొడిని మీరు తినే ప్రతి ఫుడ్ లోనూ యాడ్ చేసుకోవాలి. లేదా డ్రింక్స్ లో కూడా కలుపుకోవచ్చు. మిల్క్ షేక్స్, పల్చని మజ్జిగ లాంటి డ్రింక్స్ లో కలుపుకుని తాగవచ్చు. ఇక హెర్బల్ టీ రూపంలోనూ ధనియాలను వాడవచ్చు. వేడి నీళ్లలో ధనియాలు వేసి బాగా మరిగించాలి. కాసేపటి తరవాత వడబోసి ఆ ధనియాల టీ తాగాలి. ఇక వంటలో ప్రతి కూరలో ధనియాల పొడి కలపడం ద్వారా థైరాయిడ్ ని కంట్రోల్ చేయవచ్చు.

ఎంత మోతాదు మంచిది

ధనియాలు ఆరోగ్యానికి మంచివే. కానీ వాటిని సరైన మోతాదులోనే తీసుకోవాలి. మరీ ఎక్కువగా వాడడం మంచిది కాదు. ఎక్స్ పర్ట్స్ చెప్పిన దాని ప్రకారం చూస్తే..రోజుకి ఒకటి లేదా రెండు టీ స్పూన్స్ మేర ధనియాలు వాడవచ్చు. ముందుగా కాస్త తక్కువ మోతాదులోనే తీసుకోవాలి. ఆ తరవాత క్రమంగా డోస్ పెంచుకోవాలి. అయితే..క్వాంటిటీ ఏదైనా సరే ఒకవేళ మీకు ఇబ్బందిగా అనిపిస్తే మాత్రం కచ్చితంగా డాక్టర్ ని సంప్రదించడం బెటర్. వైద్యుల సలహాల మేరకు డైట్ లో మార్పులు చేర్పులు చేసుకోవాలి.