కళ్ల చుట్టూ డార్క్ సర్కిల్స్,,,కొన్ని రోజుల్లోనే నల్లని వలయాలు దూరం

​డార్క్ సర్కిల్స్.. ముఖాన్ని చూడగానే కనిపించే సమస్య. కళ్ళు అలసిపోయినప్పుడు, సరిపడినంతగా నిద్రలేకపోవడం, పోషకాలు తక్కువగా తీసుకోవడం, జన్యు కారణాలు ఇలా ఎన్నో రీజన్స్ వల్ల డార్క్ సర్కిల్స్ వస్తాయి. దీనిని దూరం చేసుకోవడానికి మ్యాజిక్ చేయాల్సిన అవసరం లేదు. సరైన టైమ్‌లో సరైన విధంగా, కేర్ తీసుకుంటూ మంచి టిప్స్ ఫాలో అయితే, చాలా వరకూ సమస్య తగ్గుతుంది. అయితే, కొంతమందికి డార్క్ సర్కిల్స్ మాత్రమే ఉంటే మరికొంతమందికి అండర్ ఐ బ్యాగ్స్ సమస్య కూడా ఉంటుంది. దీనిని దూరం చేసుకోవడానికే షహనాజ్ హుస్సేన్ నేచురల్ టిప్స్ షేర్ చేస్తున్నారు. వీటిని ఫాలో అయితే డార్క్ సర్కిల్స్‌తో పాటు పఫీనెస్ కూడా దూరమవుతుందట.

ఫోన్ వాడడం

ఫోన్ కారణంగానే మెయిన్‌గా డార్క్ సర్కిల్స్ వస్తాయి. రోజంతా పనులతో బిజీబిజీగా ఉన్నవారు.. రాత్రయితే చాలు ఫోన్స్‌తో కాలక్షేపం చేస్తున్నారు. కానీ, పడుకునే ముందు స్మార్ట్ ఫోన్ వాడడం మంచిది కాదు. దీని నుంచి వచ్చే బ్లూ లైట్ నిద్రకి కారణమైన మెలటోనిన్ ఏర్పడకుండా చేస్తుంది. కాబట్టి, నిద్రలేకపోతే ఆటోమేటిగ్గా కంటి చుట్టూ నల్లని వలయాలు వస్తాయి. అందుకే, ఫోన్ రాత్రి టైమ్‌లో స్విచ్ ఆఫ్ చేయండి. లేదంటే స్లీప్ మోడ్ ఆన్ చేయాలి. ఫోన్‌ని దూరం పెట్టాలి. ఓ రకంగా చెప్పాలంటే మనం నిద్రకి దగ్గర్లో లేకపోతే మంచిది.

మాయిశ్చరైజర్

సాధారణంగా కంటి కింద చర్మం సున్నితంగా ఉంటుంది. హైడ్రేషన్ కోసం మంచి మాయిశ్చరైజర్ అవసరం. ఎందుకంటే ఆ ప్లేస్‌లో హైడ్రేషన్ ఈజీగా తగ్గుతుంది. కాబట్టి, మంచి హైడ్రేషన్‌ ఇచ్చే మాయిశ్చరైజింగ్, రీప్లెనిషింగ్ క్రీమ్ అవసరం. దీని వల్ల కళ్ల కింద చర్మం యవ్వనంగా, మృదువుగా, హైడ్రేటెడ్‌గా ఉంటుంది. సహజంగానే కంటి అందాన్ని కాపాడుకోవచ్చు.

ఐ మాస్క్

ఐ మాస్క్ వాడడం వల్ల కూడా డార్క్ సర్కిల్స్ తగ్గడంలో హెల్ప్ అవుతుంది. దీనికోసం మంచి యాంటీ ఆక్సిడెంట్స్ ఉండే ఐ మాస్క్ వాడండి. యాంటీ ఆక్సిడెంట్స్ కొత్త చర్మ కణాలు, కొల్లాజెన్‌ని ప్రోత్సహిస్తాయి. దీని వల్ల డార్క్ సర్కిల్స్ తగ్గడమే కాకుండా కంటి చుట్టూ ఉన్న స్కిన్ మెరుస్తుంది.

డార్క్ సర్కిల్స్ తగ్గేందుకు టిప్స్

డైట్

ఇక ఆరోగ్యానికి మాత్రమే కాదు. అందానికి కూడా డైట్ చాలా ముఖ్యం. మీ డైట్‌లో విటమిన్ సి, విటమిన్ బి12 పుష్కలంగా ఉండేలా చూసుకోండి. దీంతో పాటు స్కిన్, హెల్త్ కోసం నట్స్, సీడ్స్ తీసుకోండి. వీటి వల్ల ఇందులోని హెల్దీ ఫ్యాట్స్ బాడీకి అందుతాయి.

ఇంటి చిట్కాలు

ఇవే కాకుండా ఇంటి చిట్కాలు కూడా సమస్యని కూడా తగ్గిస్తాయి. దీనికోసం మీరు వాడిన గ్రీన్ టీ బ్యాగ్స్‌ని వాడొచ్చు. గ్రీన్ టీ ఆరోగ్యానికే కాదు, అందానికి కూడా మంచిది. ఫ్రీజ్ చేసి వాటిని వాడొచ్చు. ఫ్రీజ్ చేసి గ్రీన్ టీ బ్యాగ్స్ కళ్ళపై ఉంచాలి. ఇలా చేయడం వల్ల ఉబ్బిన, అలసిన కళ్ల నుండి రిలీఫ్ పొందొచ్చు.