9.10 శాతం వడ్డీ ఇచ్చే స్కీమ్.. ఇంకో 5 రోజులే ఛాన్స్

రిజర్వ్ బ్యాంక్ ఆఫ్ ఇండియా రెపో రేటును 50 బెసిస్ పాయింట్ల మేర కోత పెట్టిన క్రమంలో బ్యాంకులు సైతం అదే దారిలో నడుస్తున్నాయి. డిపాజిట్లపై వడ్డీ రేట్లను తగ్గిస్తున్నాయి. ఇప్పటికే ఎస్‌బీఐ వంటి బ్యాంకులు పలు మార్లు వడ్డీ రేట్లలో కోత పెట్టాయి. దీంతో డిపాజిట్లపై రాబడి తగ్గిపోయే ప్రమాదం ఏర్పడింది. అయితే, ఇప్పటికి కూడా అత్యధిక వడ్డీ అందుకోవచ్చు. సూర్యోదయ స్మాల్ ఫైనాన్స్ బ్యాంక్ గరిష్ఠంగా 9.10 శాతం మేర వడ్డీ రేట్లు ఆఫర్ చేస్తోంది. అయితే, అది పరిమిత కాలం మాత్రమే. ఎందుకంటే ఈ బ్యాంక్ సైతం ఫిక్స్‌డ్ డిపాజిట్ వడ్డీ రేట్లను తగ్గించేసింది. జూన్ 1, 2025 నుంచి సవరించిన కొత్త వడ్డీ రేట్లను అమలులోకి తెస్తోంది.

ప్రస్తుతం సీనియర్ సిటిజన్లకు గరిష్ఠంగా 9.10 శాతం వడ్డీ రేట్లు ఆఫర్ చేస్తోంది. అయితే, ఈ రేటు మే 31, 2025 లోపు బుకింగ్ చేసుకునే వారికే అందుబాటులో ఉంటుంది. ఆ తర్వాత డిపాజిట్ చేసినట్లయితే కొత్త వడ్డీ రేట్లు వర్తిస్తాయి. జూన్ 1, 2025 నుంచి సూర్యోదయ స్మాల్ ఫైనాన్స్ బ్యాంకులో రూ.3 కోట్ల లోపు ఉండే రిటైల్ టర్మ్ డిపాజిట్లపై వడ్డీ రేట్లు 7 రోజుల నుంచి 10 సంవత్సరాల డిపాజిట్లకు జనరల్ కస్టమర్లకు 4 శాతం నుంచి 8 శాతం వడ్డీ రేట్లు ఆఫర్ చేస్తోంది.

ప్రధాన మార్పు ఏంటంటే 5 సంవత్సరాల మెచ్యూరిటీ టెన్యూర్ గల ఫిక్స్‌డ్ డిపాజిట్లపై వడ్డీ రేటును ఏకంగా 60 బేసిస్ పాయింట్లు కోత పెట్టింది. దీంతో ప్రస్తుతం జనరల్ కస్టమర్లకు 8.60 శాతం ఉన్న వడ్డీ రేటును 8 శాతానికి తగ్గించేసింది. అలాగే సీనియయర్ సిటిజన్లకు వడ్డీ రేట్లు 4.40 శాతం నుంచి 8.40 శాతంగా మారనున్నాయి. అయితే, 5 సంవత్సరాల టెన్యూర్ డిపాజిట్లపై ప్రస్తుతం వడ్డీ రేటు 9.10 శాతం వడ్డీ ఇస్తోంది. అయితే 70 బేసిస్ పాయింట్లు కోత పెట్టింది. దీంతో జూన్ 1, 2025 నుంచి 5 సంవత్సరాల డిపాజిట్లపై 8.40 శాతం వడ్డీ మాత్రమే వస్తుంది. ఆలోపు డిపాజిట్ చేసిన వారికి మాత్రమే 9.10 శాతం వడ్డీ లభిస్తుంది.

ప్రస్తుతం 7 రోజుల నుంచి 14 రోజులకు జనరల్ కస్టమర్లకు జూన్ 1 నుంచి 4 శాతం వడ్డీ ఇవ్వనుంది. ఇక 15 రోజుల నుంచి 45 రోజులకు 4.25 శఆతం, 46 రోజుల నుంచి 90 రోజులకు 4.50 శాతం, 91 రోజుల నుంచి 6 నెలల వరకు 5 శాతం, ఆరు నెలల 1 రోజు పథకం ద్వారా 7.25 శాతం వడ్డీ ఇవ్వనుంది. అలాగే 6 నెలల 1 రోజు నుంచి 9 నెలల వరకు 5.50 శాతం, 9 నెలల నుంచి ఏడాదిలోపు 6 శాతం, ఏడాది డిపాజిట్లకు 7.90 శాతం, ఏడాది నుంచి 15 నెలలకు 8 శాతం, 15 నెలల నుంచి 18 నెలల వరకు 8.25 శాతం వడ్డీ ఇవ్వనుంది. 18 నెలల నుంచి 2 సంవత్సరాల వరకు 8.10 శాతం, 2 సంవత్సరాల నుంచి 30 నెలల వరకు 8.15 శాతం, 30 నెలల నుంచి 36 నెలల వరకు 8.40 శాతం, 3 ఏళ్ల నుంచి 5 ఏళ్లలోపు 6.75 శాతం వడ్డీ ఇస్తోంది.