తగ్గిన గ్యాస్ సిలిండర్ ధర.. కొత్త రేట్లు ఇవే

గ్యాస్ వినియోగదారులకు ఒకటో తేదీ శుభవార్త అందింది. చమురు మార్కెట్ కంపెనీలు వాణిజ్య గ్యాస్ సిలిండర్ ధరలను తగ్గించాయి. 19 కిలోల వాణిజ్య సిలిండర్ ధరను ఒక్కో సిలిండర్ ధరపై రూ.17 చొప్పున తగ్గిస్తున్నట్లు ప్రకటించాయి. సవరించన కొత్త రేట్లు మే 1, 2025 నుంచే అమలులోకి తీసుకొచ్చాయి. కమర్షియల్ సిలిండర్ ధరలు తగ్గించడం ద్వారా రెస్టారెంట్లు, హోటళ్లు, ఇతర వాణిజ్య సంస్థలకు ప్రయోజనం చేకూరనుంది. వరుసగా రెండో నెలలో వాణిజ్య సిలిండర్ ధరలు తగ్గించడం గమనార్హం. గత ఏప్రిల్ నెలలలోనే కమర్షియల్ సిలిండర్ ధరలను చమురు మార్కెటింగ్ కంపెనీలు తగ్గించాయి.

అంతర్జాతీయ బెంచ్ మార్క్ ధరలకు అనుగుణంగా నెలవారీ సవరణలో 19 కిలోల వాణిజ్య సిలిండర్ ధరను గత నెలలో రూ.41 చొప్పున తగ్గించాయి. ఈసారి ఒక్కో సిలిండర్ పై రూ.17 చొప్పున తగ్గించారు. అయితే, గత మార్చి నెలలో వాణిజ్య సిలిండర్ ధర రూ.6 చొప్పున పెరిగింది. ప్రతి నెల ఒకటవ తేదీన వంట గ్యాస్ సిలిండర్ ధరలను చమురు మార్కెటింగ్ కంపెనీలు సమీక్షిస్తాయి. కొన్నిసార్లు తగ్గించడం లేదా పెంచడం చేస్తాయి. కొన్నిసార్లు అదే ధర వద్ద స్థిరంగా కొనసాగిస్తుంటాయి. మరోవైపు.. 14 కిలోల గృహ వినియోగ వంట గ్యాస్ సిలిండర్ ధరల్లో ఈసారి ఎలాంటి మార్పులు చేయలేదు.

వాణిజ్య సిలిండర్ కొత్త రేట్లు నగరాల వారీగా..

హైదరాబాద్‌లో 19 కిలోల వాణిజ్య సిలిండర్ కొత్త రేటు రూ. 1969గా ఉంది.

దేశ రాజధాని ఢిల్లీలో సిలిండర్ ధర రూ. 1747.50

కోల్‌కతాలో 19 కిలోల సిలిండర్ రేటు రూ. 1851.50

ముంబైలో వాణిజ్య సిలిండర్ రేటు 1699

చెన్నైలో వంట గ్యాస్ 19 కిలోల సిలిండర్ రేటు 1906

స్థిరంగా 14.2 కిలోల గృహ వినియోగ సిలిండర్ ధరల

హైదరాబాద్ నగరంలో గృహ వినియోగ సిలిండర్ ధర రూ. 905 వద్ద ఉంది.

దేశ రాజధాని ఢిల్లీలో 14.2 కిలోల సిలిండర్ రేటు రూ. 853

కోల్‌కతాలో వంట గ్యాస్ ధర రూ. 879

ముంబైలో గృహ వినియోగ గ్యాస్ సిలిండర్ ధర రూ. 852.50

చెన్నైలో వంట గ్యాస్ ధర రూ. 868.50

ప్రభుత్వ యాజమాన్య కంపెనీలైన ఇండియన్ ఆయిల్ కార్పొరేషన్ , భారత్ పెట్రోలియం కార్పొరేషన్ లిమిటెడ్, హిందుస్తాన్ పెట్రోలియం కార్పొరేషన్ లిమిటెడ్ వంట గ్యాస్ సరఫరా చేస్తుంటాయి. ఆయా సంస్థలు ప్రతి నెల 1వ తేదీన అంతర్జాతీయ ఇంధన ధరలు, విదేశీ మారకం రేటు ఆధారంగా ఏవియేషన్ ఫ్యూయల్ ఏటీఎఫ్, వంట గ్యాస్ ధరలను మారుస్తుంటాయి.