“Ameerpet AAA Theatre అమీర్ పేట్ లో సందడి – Raju Weds Rambai Director మాట

ఈ వారం థియేటర్లలో విడుదలైన చిత్రాల్లో ప్రేక్షకుల నుండి అత్యుత్తమ స్పందన పొందుతున్న సినిమా ‘రాజు వెడ్స్ రాంబాయి’. పూర్తిగా కొత్త నటీనటులతో తెరకెక్కినప్పటికీ, స్టార్ హీరోల సినిమాలను కూడా బాక్సాఫీస్ వద్ద వెనక్కి నెట్టేంతగా ఈ చిత్రం మంచి కలెక్షన్లు రాబడుతోంది. నవంబర్ 21న విడుదలైన ఈ సినిమాలో అఖిల్ రాజ్, తేజస్విని ప్రధాన పాత్రలు పోషించారు. ఖమ్మం జిల్లాలో జరిగిన ఒక నిజ సంఘటన ఆధారంగా దర్శకుడు సాయిలు ఈ కథను తెరపైకి తీసుకురాగా, ఆయన టేకింగ్‌, ప్రెజెంటేషన్‌ ప్రేక్షకులు, విమర్శకుల ప్రశంసలను అందుకుంటున్నాయి.రిలీజ్‌కు ముందు సినిమా ప్రమోషన్స్‌ను టీమ్ చాలా ఆగ్రెసివ్‌గా జరిపింది. వరుస ఈవెంట్స్, ప్రెస్ మీట్లలో సందడి చేస్తూ డైరెక్టర్ సాయిలు ఒక బోల్డ్ ఛాలెంజ్ విసిరారు. “సినిమాకు నెగెటివ్ టాక్ వస్తే అమీర్‌పేట్‌లో చొక్కా విప్పి తిరుగుతా” అని చేసిన వ్యాఖ్య సోషల్ మీడియాలో పెద్ద చర్చకు దారితీసింది. ఆయన చేసిన ఈ ధైర్యవంతమైన సవాలు కారణంగా కూడా చాలామంది సినిమా ఎలా ఉందో చూసేందుకు థియేటర్‌కు వెళ్లారు.చిత్రం విడుదలైన తర్వాత మంచి టాక్ రావడంతో సాయిలు తన మాట నిలబెట్టుకున్నారు. అమీర్‌పేట్‌లోని ఏషియన్ AAA సత్యం థియేటర్ ముందు అద్దె బ్యాండ్‌తో హంగామా చేస్తూ ఆయన సక్సెస్‌ను సెలబ్రేట్ చేసుకున్నారు. “ప్రేక్షకులు మాట నిలబెట్టుకున్నారు… ఇప్పుడు నేను కూడా నా మాట నిలబెట్టుకుంటున్నా” అని చెప్పి అక్కడే డప్పు వాయించడం ఆయన సెలబ్రేషన్‌ను మరింత వైరల్ చేసింది.కథ విషయానికి వస్తే—2010 కాలంలో గ్రామంలో బ్యాండ్ కొడుతూ జీవనం సాగించే యువకుడు రాజు, తన ఊరిలోనే ఉన్న రాంబాయిని ఎంతో ప్రేమిస్తాడు. కానీ రాజు తండ్రి రమేష్, తన కొడుకు మంచి భవిష్యత్తు కోసం హైదరాబాద్‌కు వెళ్లాలని కోరుకుంటాడు. మరోవైపు రాంబాయి తండ్రి వెంకన్న మాత్రం తన కూతురికి ప్రభుత్వ ఉద్యోగం ఉన్న వరుడే కావాలని ఆశపడతాడు. ఈ సందర్భంలో రాజు–రాంబాయి ప్రేమ విషయం బయటపడినప్పుడు పెద్దలు ఏం నిర్ణయించారు? వారి ప్రేమ ప్రయాణంలో ఎదురైన అడ్డంకులు ఏమిటి? వెంకన్న ఎందుకు తన కూతురిపైనే ప్రమాదం తలపెట్టాడు? అన్న విషయాలు తెలుసుకోవాలంటే సినిమా చూడాల్సిందే.