వన్‌ప్లస్ నుండి సరికొత్త మోడల్

ప్రముఖ స్మార్ట్‌ఫోన్ తయారీ సంస్థ వన్‌ప్లస్ తన కొత్త ఫ్లాగ్‌షిప్ మోడల్ 'వన్‌ప్లస్ 15'ను చైనా మార్కెట్లో విడుదల చేసింది. సోమవారం జరిగిన ఒక కార్యక్రమంలో ఈ ఫోన్‌ను అధికారికంగా లాంచ్ చేసింది. గతేడాది వచ్చిన వన్‌ప్లస్ 13కు సక్సెసర్గా తీసుకొచ్చిన‌ ఈ కొత్త మోడల్‌లో పలు కీలక అప్‌గ్రేడ్‌లను అందించింది. క్వాల్‌కామ్ నుంచి వచ్చిన సరికొత్త స్నాప్‌డ్రాగన్ 8 ఎలైట్ జెన్ 5 చిప్‌సెట్, 7300mAh భారీ బ్యాటరీ దీని ప్రధాన ఆకర్షణలుగా నిలుస్తున్నాయి.వన్‌ప్లస్ 15 స్మార్ట్‌ఫోన్ ఆండ్రాయిడ్ 16 ఆధారిత కలర్‌ఓఎస్ 16తో పనిచేస్తుంది. ఇందులో 6.78-అంగుళాల 1.5K అమోలెడ్ డిస్‌ప్లేను అమర్చారు. ఇది 165Hz రిఫ్రెష్ రేట్, 1800 నిట్స్ పీక్ బ్రైట్‌నెస్‌కు సపోర్ట్ చేస్తుంది. ఈ ఫోన్ క్వాల్‌కామ్ ఆక్టా-కోర్ 3nm స్నాప్‌డ్రాగన్ 8 ఎలైట్ జెన్ 5 ప్రాసెసర్‌తో వస్తోంది. దీనికి జతగా అడ్రెనో 840 జీపీయూ, 16GB వరకు LPDDR5X ర్యామ్, 1TB వరకు UFS 4.1 స్టోరేజ్ ఉన్నాయి.కెమెరాల విషయానికొస్తే, ఇందులో చతురస్రాకారంలో డిజైన్ చేసిన ట్రిపుల్ రియర్ కెమెరా సెటప్ ఉంది. ఇందులో 50-మెగాపిక్సెల్ ప్రైమరీ కెమెరా, 50-మెగాపిక్సెల్ అల్ట్రావైడ్ కెమెరా, 50-మెగాపిక్సెల్ టెలిఫోటో కెమెరా ఉన్నాయి. సెల్ఫీల కోసం ముందువైపు 32-మెగాపిక్సెల్ కెమెరాను అందించారు. వెనుక కెమెరాతో 8K రిజల్యూషన్‌తో సెకనుకు 30 ఫ్రేమ్‌ల వద్ద వీడియోలను రికార్డ్ చేయవచ్చు.ఈ ఫోన్‌లో 7,300mAh భారీ బ్యాటరీని అమర్చారు. ఇది 120W సూపర్ ఫ్లాష్ ఛార్జ్ (వైర్డ్), 50W వైర్‌లెస్ ఫ్లాష్ ఛార్జ్‌కు సపోర్ట్ చేస్తుంది. కనెక్టివిటీ కోసం 5G, వై-ఫై 7, ఎన్ఎఫ్‌సీ, జీపీఎస్ వంటి ఫీచర్లు ఉన్నాయి. భద్రత కోసం ఇన్-డిస్‌ప్లే అల్ట్రాసోనిక్ ఫింగర్‌ప్రింట్ స్కానర్‌ను కూడా ఇచ్చారు.