|
|
by Suryaa Desk | Wed, Apr 08, 2026, 10:37 PM
భారతీయ స్మార్ట్ఫోన్ మార్కెట్లో OnePlus బ్రాండ్కు ఉన్న క్రేజ్ గురించి ప్రత్యేకంగా చెప్పాల్సిన అవసరం లేదు. ముఖ్యంగా మిడ్-రేంజ్ సెగ్మెంట్లో ‘నార్డ్’ సిరీస్ ఫోన్లు వినియోగదారుల్లో మంచి ఆదరణ పొందుతున్నాయి.ఈ నేపథ్యంలో ఎంతోకాలంగా ఎదురుచూస్తున్న OnePlus Nord 6 ఎట్టకేలకు భారత మార్కెట్లోకి ప్రవేశించింది. ఏప్రిల్ 7, 2026 సాయంత్రం 7 గంటలకు లైవ్ స్ట్రీమింగ్ ద్వారా ఈ ఫోన్ను అధికారికంగా విడుదల చేశారు.
*ధర, లభ్యత : మార్కెట్ అంచనాల ప్రకారం ఈ ఫోన్ ధర రూ. 35,000 నుంచి రూ. 40,000 మధ్య ఉండే అవకాశం ఉంది. గ్లోబల్ సెమీకండక్టర్ ధరల పెరుగుదల కారణంగా, గత మోడల్ అయిన OnePlus Nord 5 (రూ. 31,999)తో పోలిస్తే ధర కాస్త ఎక్కువగా కనిపిస్తోంది. ఏప్రిల్ 9 నుంచి ఆన్లైన్తో పాటు వన్ప్లస్ ఎక్స్పీరియన్స్ స్టోర్లలో కూడా ఇది అందుబాటులోకి రానుంది. హోలోగ్రాఫిక్ క్విక్ సిల్వర్, ఫ్రెష్ మింట్, పిచ్ బ్లాక్ వంటి ఆకర్షణీయమైన రంగుల్లో ఈ ఫోన్ లభిస్తుంది.
*డిస్ప్లే, డిజైన్ : ఈ స్మార్ట్ఫోన్లో 1.5K AMOLED డిస్ప్లేను అందించారు. 165Hz రిఫ్రెష్ రేట్ సపోర్ట్ ఉండటంతో గేమింగ్, వీడియో స్ట్రీమింగ్ సమయంలో స్క్రీన్ చాలా స్మూత్గా కనిపిస్తుంది. ‘టచ్ రిఫ్లెక్స్ చిప్’ కారణంగా టచ్ రెస్పాన్స్ కూడా వేగంగా ఉంటుంది. వెనుక భాగంలో కొత్త స్క్వేర్ షేప్ కెమెరా మాడ్యూల్ను ప్రవేశపెట్టడం వల్ల ఫోన్కు ప్రీమియం లుక్ వచ్చింది.
*కెమెరా, AI ఫీచర్లు : ఫోటోగ్రఫీ ప్రియుల కోసం 50MP Sony LYTIA-600 ప్రైమరీ సెన్సార్ను ఇందులో వాడారు. డ్యూయల్ యాక్సిస్ OIS సపోర్ట్ వల్ల ఫోటోలు, వీడియోలు మరింత స్టేబుల్గా వస్తాయి. అదనంగా 8MP అల్ట్రా వైడ్ లెన్స్, సెల్ఫీల కోసం 32MP ఫ్రంట్ కెమెరా ఉన్నాయి. సాఫ్ట్వేర్ పరంగా AI ఎరేజర్, AI అన్బ్లర్ వంటి ఫీచర్లు అందుబాటులో ఉన్నాయి. ఫోటోలలో అవసరం లేని అంశాలను సులభంగా తొలగించుకోవచ్చు. అలాగే రియల్ టైమ్ ట్రాన్స్లేషన్ టూల్స్ కూడా ఇందులో ఉన్నాయి.ఈ ఫోన్లో ప్రధాన ఆకర్షణ 9,000mAh భారీ బ్యాటరీ. సిలికాన్-కార్బన్ టెక్నాలజీతో రూపొందించిన ఈ బ్యాటరీ ఎక్కువసేపు పనిచేస్తుంది. 80W SUPERVOOC ఛార్జింగ్ సపోర్ట్ ఉండటంతో సుమారు 70 నిమిషాల్లోనే ఫుల్ ఛార్జ్ అవుతుంది. గేమింగ్ లేదా 4K వీడియో రికార్డింగ్ సమయంలో హీట్ తగ్గించేందుకు ‘బైపాస్ ఛార్జింగ్’ మోడ్ను కూడా అప్గ్రేడ్ చేశారు. ఈ ధర పరిధిలో ఇంత పెద్ద బ్యాటరీతో ఫోన్ రావడం వినియోగదారులకు మంచి వార్తగా చెప్పుకోవచ్చు.
