by Suryaa Desk | Tue, Mar 24, 2026, 04:00 PM

 దేశ వ్యతిరేక కార్యకలాపాలకు పాల్పడుతున్నారనే ఆరోపణలపై షరీఫ్, డానిష్, సొహైల్ బేగ్ అనే ముగ్గురు యువకులు అరెస్ట్ అయ్యారు. వారికి విజయవాడ చీఫ్ మెట్రోపాలిటన్ మెజిస్ట్రేట్ (CMM) కోర్టు ఏప్రిల్ 6 వరకు జ్యుడీషియల్ రిమాండ్ విధించింది. వీరు సోషల్ మీడియాలో దేశ వ్యతిరేక భావజాలాన్ని ప్రచారం చేస్తూ, యువతను తప్పుదోవ పట్టించేలా పోస్టులు పెడుతున్నారని, ఉగ్రవాద సంస్థల పట్ల ఆకర్షితులయ్యేలా చేస్తున్నారని పోలీసులు కోర్టుకు తెలిపారు. వీరి వద్ద నుంచి స్వాధీనం చేసుకున్న మొబైల్ ఫోన్లు, ఎలక్ట్రానిక్ పరికరాల్లో విద్రోహ చర్యలకు సంబంధించిన ఆధారాలు లభించినట్లు సమాచారం.