by Suryaa Desk | Mon, Mar 09, 2026, 09:58 PM

Poco భారత మార్కెట్లో విడుదల చేయబోతున్న కొత్త బడ్జెట్ స్మార్ట్‌ఫోన్ Poco C85x 5Gకు సంబంధించిన పూర్తి వివరాలు లాంచ్‌కు ఒకరోజు ముందే బయటకు వచ్చాయి. పెద్ద బ్యాటరీ, భారీ డిస్‌ప్లే వంటి ఆకట్టుకునే ఫీచర్లతో ఈ స్మార్ట్‌ఫోన్‌ను భారత వినియోగదారుల కోసం తీసుకురావడానికి పోకో సిద్ధమైంది. ఈ ఫోన్ రేపు ఇండియాలో అధికారికంగా లాంచ్ కానుండగా, అందుకు ముందు దీని ముఖ్యమైన స్పెసిఫికేషన్లను ఇప్పుడు తెలుసుకుందాం.
*Poco C85x 5G : లాంచ్ ఈ స్మార్ట్‌ఫోన్‌ను రేపు మధ్యాహ్నం భారత మార్కెట్లో అధికారికంగా విడుదల చేయనున్నారు. లాంచ్ అనంతరం ఇది Flipkart ద్వారా విక్రయాలకు అందుబాటులోకి రానుంది.
*Poco C85x 5G : ఫీచర్లు పోకో C85x 5G స్మార్ట్‌ఫోన్ స్లీక్ డిజైన్‌తో పాటు డ్యూయల్ టోన్ కలర్ ఫినిష్‌లో వస్తుంది. ఈ ఫోన్‌లో పెద్దదైన 6.9 అంగుళాల డిస్‌ప్లే ఉంటుంది. 120Hz రిఫ్రెష్ రేట్‌తో వచ్చే ఈ స్క్రీన్ గేమింగ్ మరియు ఎంటర్‌టైన్‌మెంట్‌కు మంచి అనుభవాన్ని అందిస్తుందని కంపెనీ చెబుతోంది. అంతేకాకుండా కళ్లకు హాని తగ్గించేలా TÜV Low Blue Light Certification కూడా ఇందులో అందించారు.పర్ఫార్మెన్స్ విషయానికి వస్తే, 6 లక్షలకు పైగా AnTuTu స్కోర్ అందించే ప్రాసెసర్‌తో ఈ ఫోన్ రానుంది. అలాగే 4GB ఫిజికల్ ర్యామ్‌తో పాటు 4GB వర్చువల్ ర్యామ్ సపోర్ట్ ఉంటుంది. వేగవంతమైన UFS 2.2 స్టోరేజ్ కూడా ఇందులో లభిస్తుంది.కెమెరా విభాగంలో వెనుక భాగంలో డ్యూయల్ రియర్ కెమెరా సెటప్ ఉంటుంది. ఇందులో 32MP ప్రధాన కెమెరా ఉండగా, ముందు భాగంలో వాటర్‌డ్రాప్ నాచ్ డిజైన్‌తో సెల్ఫీ కెమెరా ఇవ్వనున్నారు.బ్యాటరీ పరంగా ఈ ఫోన్ 6300mAh సామర్థ్యంతో భారీ బ్యాటరీను కలిగి ఉంటుంది. ఇది గత జనరేషన్ మోడల్ కంటే సుమారు 300mAh ఎక్కువ సామర్థ్యాన్ని అందిస్తుంది. కంపెనీ ప్రకారం ఈ బ్యాటరీతో 35 గంటలకు పైగా వీడియో ప్లేబ్యాక్ పొందవచ్చు. అలాగే 15W ఫాస్ట్ చార్జింగ్‌తో పాటు 7.5W రివర్స్ చార్జింగ్ సపోర్ట్ కూడా ఉంటుంది.ఇంకా అదనపు ఫీచర్ల విషయానికి వస్తే, ఈ ఫోన్‌లో 200% వరకు వాల్యూమ్ అందించే స్పీకర్ సెటప్ కూడా ఉంటుంది. మొత్తంగా చూస్తే, బడ్జెట్ ధరలో మంచి ఎంటర్‌టైన్‌మెంట్ అనుభవాన్ని అందించే 5G స్మార్ట్‌ఫోన్‌గా దీనిని భారత మార్కెట్లో తీసుకురాబోతున్నట్లు పోకో టీజర్ పేజీ ద్వారా సంకేతాలు ఇచ్చింది.