by Suryaa Desk | Sun, Mar 08, 2026, 10:19 PM

నగలు, దుస్తులు ఒకదానికొకటి సరిగ్గా మ్యాచ్ అయితేనే ఆ లుక్ పర్ఫెక్ట్‌గా ఉంటుంది. చాలామందికి డ్రెస్ కలర్స్‌కు తగినట్లుగా గోల్డ్ లేదా సిల్వర్ నగలను ఎంచుకోవడం ఒక సవాలుగా అనిపిస్తుంది. సరైన ఎంపిక చేసుకుంటే మీ అందం రెట్టింపు అవుతుంది. సోషల్ మీడియా ఇన్‌ఫ్లుయెన్సర్ నుపుర్ సింగ్ రాజ్‌పుత్‌ ఈ కన్‌ఫ్యూజన్‌ను తొలగించారు. ఏ రంగు బట్టలకు ఏ జ్యువెల్లరీ పెట్టుకుంటే పర్ఫెక్ట్ మ్యాచింగ్ అవుతుందో ఇప్పుడు వివరంగా తెలుసుకుందాం.

బ్లాక్, రెడ్ డ్రెస్‌లకు ఏది బెస్ట్ అంటే

బ్లాక్ కలర్ డ్రెస్సింగ్ స్టైల్‌లో ఎప్పుడూ ముందుంటుంది. బ్లాక్ డ్రెస్ ధరించినప్పుడు గోల్డ్ చాలా రిచ్ లుక్‌ని ఇస్తుంది. అదే సమయంలో సిల్వర్ జువెల్లరీ కూడా న్యూ స్టైల్‌ను ఇస్తాయి. కాబట్టి బ్లాక్ కాంబినేషన్‌కు గోల్డ్ లేదా సిల్వర్ రెండూ బాగుంటాయి. ఇక రెడ్ కలర్ డ్రెస్సుల విషయానికి వస్తే, గోల్డ్ నగలు వేసుకుంటే పర్ఫెక్ట్‌ లుక్‌ను ఇస్తాయి. రెడ్, గోల్డ్ కలర్స్ సాంప్రదాయ వేడుకలకు, పండుగలకు సూపర్ లుక్‌ని ఇస్తాయి.

లైట్ కలర్స్‌కు సిల్వర్

​వేసవి కాలంలో లేదా పగటిపూట వేడుకల్లో లైట్ పింక్, లావెండర్ వంటి లేత రంగు దుస్తులను ధరించడానికి చాలామంది ఇష్టపడతారు. ఇలాంటి లైట్ కలర్స్ డ్రెస్సులకు గోల్డ్ కంటే సిల్వర్ జువెల్లరీ చాలా చక్కగా సరిపోతాయి.

ముఖ్యంగా లైట్ పింక్ టాప్స్ లేదా డ్రెస్‌లకు సిల్వర్ జ్యువెల్లరీ మంచి రిఫ్రెషింగ్ లుక్‌ని ఇస్తుంది. అదేవిధంగా లావెండర్ కలర్ దుస్తులకు కూడా వెండి ఆభరణాలు మంచి ఎంపిక. ఇవి మీ రూపాన్ని చాలా సాఫ్ట్‌గా, ఆకర్షణీయంగా చూపుతాయి.

గోల్డ్ ప్రత్యేకత ఇదే

కొన్ని ప్రత్యేకమైన రంగులు కేవలం బంగారు ఆభరణాలతోనే మంచి లుక్‌ను ఇస్తాయి. షాంపెన్, న్యూడ్ కలర్ దుస్తులు ధరించినప్పుడు బంగారం నగలు చాలా క్లాసీగా, రిచ్‌గా కనిపిస్తాయి. ఇవి దుస్తులతో కలిసిపోయి ఒక ప్రత్యేకమైన ఎలిగెన్స్ ఇస్తాయి. ఎమరాల్డ్ గ్రీన్ దుస్తులు కూడా బంగారం ఆభరణాలకు సరైన జత. ఇది రిచ్ లుక్‌ని ఇస్తుంది. బర్గెండీ రంగు దుస్తులకు కూడా బంగారు ఆభరణాలు మాత్రమే పర్ఫెక్ట్ మ్యాచింగ్ అని చెప్పవచ్చు.

వైట్‌ డ్రెస్సులతో ప్రయోగాలు

వైట్ కలర్ డ్రెస్సులు ఒక ఖాళీ కాన్వాస్ లాంటివి. దీనిపై బంగారం లేదా వెండి ఏ ఆభరణాలు ధరించినా బాగుంటాయి. మీరు క్లాసీ లుక్ కోరుకుంటే గోల్డ్ ఆభరణాలను ఎంచుకోండి. ఒకవేళ మోడ్రన్, మినిమలిస్టిక్ లుక్ కావాలంటే సిల్వర్ ఆభరణాలు ధరించండి. తెలుపు దుస్తులతో బంగారం, వెండి రెండింటినీ మిక్స్ చేసి ధరించే ట్రెండ్ కూడా ఇప్పుడు బాగా నడుస్తోంది. ఇది మీ స్టైల్‌కి ఒక కొత్త రూపాన్ని ఇస్తుంది.

ఎలాంటి కలర్స్‌కు ఎలాంటి నగలంటే

జ్యువెల్లరీ ఎంపిక అనేది మీ వ్యక్తిత్వాన్ని, ఆత్మవిశ్వాసాన్ని ప్రతిబింబిస్తుంది. దుస్తుల రంగుకు తగిన ఆభరణాలను ఎంచుకోవడం వల్ల మీ లుక్ చాలా ప్రొఫెషనల్‌గా మారుతుందని నుపుర్ సింగ్ రాజ్‌పుత్‌ చెప్పుకొచ్చారు. బట్టల రంగు హాట్‌గా ఉంటే గోల్డ్, కూల్‌గా ఉంటే సిల్వర్ ఎంచుకోవడం మంచి లుక్‌ను ఇస్తాయి. మీ దుస్తులకు తగినట్లుగా నగలను ఎంచుకోవడం ఒక కళ. ఈ చిట్కాల్ని పాటించి మీ శైలిని మరింత మెరుగుపరచుకోండి.