by Suryaa Desk | Sun, Mar 01, 2026, 11:10 PM

దర్శకురాలు Geetu Mohandas తెరకెక్కించిన ‘టాక్సిక్’లో రాకింగ్ స్టార్ Yash హీరోగా నటిస్తున్నాడు. మార్చి 19న ఈ చిత్రం ప్రపంచవ్యాప్తంగా విడుదల కానుంది. ఇప్పటికే విడుదలైన గ్లింప్స్, టీజర్లు సినిమాపై అంచనాలను గణనీయంగా పెంచాయి. KVN Productions మరియు Monster Mind Creations బ్యానర్లపై వెంకట్ కే నారాయణతో కలిసి యష్ ఈ చిత్రాన్ని నిర్మిస్తున్నారు. భారీ హైప్ కారణంగా భారత్‌తో పాటు ఓవర్సీస్ మార్కెట్‌లోనూ ‘టాక్సిక్’కు మంచి బిజినెస్ జరుగుతోంది. ముఖ్యంగా నార్త్ అమెరికా మార్కెట్‌లో ఈ సినిమా ఎలాంటి రికార్డులు సృష్టిస్తుందన్నదే ఇప్పుడు చర్చనీయాంశంగా మారింది.ఈ చిత్రంలో రుక్మిణీ వసంత్, Kiara Advani, Nayanthara, Huma Qureshi, తారా సుతారియా కీలక పాత్రలు పోషిస్తున్నారు. అలాగే అక్షయ్ ఒబెరాయ్, టోవినో థామస్ తదితరులు కూడా నటిస్తున్నారు. సంగీతాన్ని Ravi Basrur అందిస్తుండగా, సినిమాటోగ్రఫీని రాజీవ్ రవి నిర్వహిస్తున్నారు.ట్రేడ్ వర్గాల సమాచారం ప్రకారం, నటీనటుల పారితోషికాలు, సాంకేతిక వ్యయం, ప్రమోషన్లతో కలిపి ‘టాక్సిక్’ బడ్జెట్ సుమారు రూ. 500 కోట్ల వరకు చేరిందని చెబుతున్నారు. ‘కేజీఎఫ్’ సిరీస్ తరువాత యష్ నటిస్తున్న సినిమా కావడంతో అంచనాలు మరింత పెరిగాయి. అదే రోజున Ranveer Singh నటించిన ‘ధురంధర్ 2’ కూడా విడుదల కావడం పోటీని ఆసక్తికరంగా మార్చింది.థియేట్రికల్ బిజినెస్ పరంగా కూడా ‘టాక్సిక్’ భారీ డీల్‌లు కుదుర్చుకుంది. తెలుగు రాష్ట్రాల్లో రూ. 120 కోట్లు, కర్ణాటకలో రూ. 100 కోట్లు, తమిళనాడులో రూ. 63 కోట్లు, కేరళలో రూ. 30 కోట్లు, హిందీ బెల్ట్‌లో రూ. 100 కోట్లు, ఓవర్సీస్‌లో రూ. 105 కోట్లు చొప్పున ప్రపంచవ్యాప్తంగా సుమారు రూ. 500 కోట్ల మేర బిజినెస్ జరిగినట్లు ట్రేడ్ వర్గాలు చెబుతున్నాయి. ఈ సినిమా లాభాల్లోకి రావాలంటే దాదాపు రూ. 600 కోట్ల షేర్, రూ. 1200 కోట్ల గ్రాస్ కలెక్షన్లు సాధించాల్సి ఉంటుంది.ఓవర్సీస్ రైట్స్‌ను పార్స్ ఫిలింస్ సొంతం చేసుకోగా, నార్త్ అమెరికా హక్కులను ప్రైమ్ మీడియా దక్కించుకుంది. రిఫండబుల్ ఒప్పందంతో ఈ డీల్ కుదిరినట్లు సమాచారం. నార్త్ అమెరికాలో ‘టాక్సిక్’ బ్రేక్ ఈవెన్ కావాలంటే సుమారు 6.5 మిలియన్ డాలర్లు (దాదాపు రూ. 60 కోట్లు) వసూలు చేయాల్సి ఉంటుందని ట్రేడ్ అంచనా.గతంలో K.G.F: Chapter 2 నార్త్ అమెరికాలో సుమారు 7.5 మిలియన్ డాలర్లు వసూలు చేసి, అత్యధిక కలెక్షన్లు సాధించిన కన్నడ చిత్రంగా నిలిచింది. దీంతో ‘టాక్సిక్’ ఆ రికార్డును అధిగమిస్తుందా లేదా అన్న ఆసక్తి నెలకొంది. యష్ ఈసారి ఎలాంటి సత్తా చాటుతాడో చూడాలి.