by Suryaa Desk | Thu, Feb 26, 2026, 10:31 PM

ప్రధాని Narendra Modi ఇజ్రాయెల్ పర్యటన సానుకూల ఫలితాలను అందించిందని కేంద్ర ప్రభుత్వం తెలిపింది. ముఖ్యంగా యూనిఫైడ్ పేమెంట్స్ ఇంటర్‌ఫేస్ (UPI) ఆధారిత డిజిటల్ చెల్లింపులు సహా పలు కీలక రంగాల్లో ద్వైపాక్షిక సహకారం మరింత బలోపేతమైందని వెల్లడించింది.ఈ విషయాలను భారత విదేశాంగ కార్యదర్శి Vikram Misri మీడియా సమావేశంలో వివరించారు. సమగ్ర వృద్ధి కోసం సాంకేతికత, ఆవిష్కరణలను వినియోగించాలనే ప్రధాని మోదీ దృక్పథాన్ని ఈ పర్యటన ప్రతిబింబిస్తోందని ఆయన అన్నారు. శాంతి, అభివృద్ధి, ఆవిష్కరణల దిశగా రెండు దేశాల మధ్య ఉన్న ప్రత్యేక వ్యూహాత్మక భాగస్వామ్యాన్ని మరింత బలపర్చేందుకు మోదీ, Benjamin Netanyahu కట్టుబడి ఉన్నారని తెలిపారు.మోదీ పర్యటనలో కుదిరిన అవగాహనలు ఇరుదేశాల యువత, స్టార్టప్‌లు, వ్యాపార సంస్థలకు టెక్నాలజీ, STEM రంగాల్లో కొత్త అవకాశాలను తెరచనున్నాయని విక్రమ్ మిస్త్రీ పేర్కొన్నారు. వ్యవసాయ రంగంలో ఇప్పటికే ఉన్న భాగస్వామ్యాన్ని మరింత విస్తరించేందుకు కూడా ఈ ఒప్పందాలు దోహదపడతాయని చెప్పారు.ఇక భారత్–Israel సంబంధాలు ప్రత్యేక వ్యూహాత్మక భాగస్వామ్య స్థాయికి ఎదిగాయి. పరస్పర ప్రయోజనాలను దృష్టిలో ఉంచుకుని స్వేచ్ఛా వాణిజ్య ఒప్పందం (FTA)ను త్వరితగతిన ఖరారు చేయాలని ఇరు దేశాలు నిర్ణయించుకున్నాయి. వాణిజ్యం, వ్యవసాయం, శక్తి, సైబర్‌స్పేస్, డిజిటల్ చెల్లింపులు వంటి రంగాల్లో సహకారాన్ని విస్తరించేందుకు పలు ఒప్పందాలపై సంతకాలు జరిగాయి.
*త్వరలో ఇజ్రాయెల్‌లో యూపీఐ సేవలు : భారతదేశం తన యూపీఐ వ్యవస్థను అధికారికంగా ఇజ్రాయెల్‌కు విస్తరించేందుకు అంగీకరించింది. ఇది డిజిటల్ ఫైనాన్స్ రంగంలో ఇరుదేశాల మధ్య కీలక మైలురాయిగా నిలవనుంది. బెంజమిన్ నెతన్యాహుతో జరిగిన భేటీ అనంతరం జాయింట్ ప్రెస్ కాన్ఫరెన్స్‌లో ప్రధాని మోదీ మాట్లాడుతూ, “అభివృద్ధి చెందుతున్న సాంకేతిక భాగస్వామ్యాన్ని మరింత బలోపేతం చేసేందుకు మేము నిర్ణయించుకున్నాం. ఇజ్రాయెల్‌లో యూపీఐ వినియోగానికి ఒప్పందంపై సంతకం చేయడం సంతోషంగా ఉంది. పౌర అణుశక్తి, అంతరిక్ష రంగాల్లో సహకారాన్ని విస్తరించడంతో పాటు భవిష్యత్ అవసరాలకు అనుగుణమైన వ్యవసాయ పరిష్కారాలను కలిసి అభివృద్ధి చేస్తాం” అని పేర్కొన్నారు.దీంతో త్వరలోనే ఇజ్రాయెల్‌లో యూపీఐ ఆధారిత డిజిటల్ చెల్లింపు సేవలు అందుబాటులోకి వచ్చే అవకాశం ఉంది.