by Suryaa Desk | Wed, Feb 25, 2026, 08:36 PM

భారత ప్రధాని Narendra Modi ప్రస్తుతం Israel పర్యటనలో ఉన్నారు. రెండు రోజుల అధికారిక పర్యటనలో భాగంగా కొద్దిసేపటి క్రితమే ఇజ్రాయెల్ రాజధాని Tel Avivలో ప్రధాని మోదీ విమానం దిగింది.దాదాపు తొమ్మిదేళ్ల తర్వాత ఇజ్రాయెల్ నేలపై అడుగుపెట్టిన మోదీకి అపూర్వ స్వాగతం లభించింది. ఆ దేశ ప్రధాని Benjamin Netanyahu ప్రోటోకాల్‌ను పక్కనపెట్టి తన భార్య Sara Netanyahuతో కలిసి స్వయంగా విమానాశ్రయానికి వచ్చి మోదీకి ఆత్మీయంగా స్వాగతం పలికారు. ఇదిలా ఉండగా, మోదీ ఇజ్రాయెల్ పర్యటన పాకిస్థాన్‌లో చర్చనీయాంశంగా మారింది.ఈ పర్యటనలో భారత్–ఇజ్రాయెల్ మధ్య ఆర్టిఫిషియల్ ఇంటెలిజెన్స్ (AI), రక్షణ, సాంకేతికత, వ్యూహాత్మక రంగాల్లో పలు కీలక ఒప్పందాలు కుదిరే అవకాశం ఉంది. ఇరు దేశాల బలమైన సంబంధాలను నెతన్యాహు “హెక్సాగన్ ఆఫ్ అలయన్స్”గా అభివర్ణిస్తున్నారు. ఇటీవల ఇజ్రాయెల్ పార్లమెంట్‌లో మాట్లాడిన ఆయన, మిడిల్ ఈస్ట్ ప్రాంత దేశాలు విస్తృత కూటమిగా ఏర్పడాలని పిలుపునిచ్చారు.ఈ కూటమిలో భారత్‌తో పాటు అరబ్ దేశాలు, ఆఫ్రికా దేశాలు, మెడిటరేనియన్ ప్రాంత దేశాలు  ముఖ్యంగా Greece, Cyprus — అలాగే ఆసియాలోని పలు దేశాలు ఉండాలని ఆయన అభిప్రాయపడ్డారు. అయితే ఈ కూటమి వివరాలు సమయానుకూలంగా వెల్లడిస్తానని స్పష్టం చేశారు.మిడిల్ ఈస్ట్ ప్రాంతంలో పెరుగుతున్న తీవ్రవాద ప్రభావాన్ని ఎదుర్కోవడం ఈ ప్రతిపాదిత కూటమి ప్రధాన లక్ష్యంగా పేర్కొన్నారు. ముఖ్యంగా Iran మద్దతు ఉన్న కొన్ని తీవ్రవాద గ్రూపుల ప్రభావాన్ని తగ్గించడం అవసరమని నెతన్యాహు తెలిపారు.అయితే ఈ కూటమిలో భారత్ భాగస్వామ్యం అవ్వడాన్ని పాకిస్థాన్‌ తీవ్రంగా వ్యతిరేకిస్తోంది. ఈ అంశంపై పాకిస్థాన్ సెనేట్‌లో ఒక తీర్మానం కూడా ఆమోదించారు. ప్రాంతీయ శాంతి, స్థిరత్వానికి ఈ కూటమి విఘాతం కలిగించవచ్చని వారు ఆరోపించారు.ఇదిలా ఉండగా, భారత్–ఇజ్రాయెల్ స్నేహ సంబంధాలపై పాకిస్థాన్ సైన్యాధిపతి Asim Munir అసంతృప్తి వ్యక్తం చేస్తున్నట్లు తెలుస్తోంది. ఈ పరిణామాలు ఇస్లామిక్ దేశాల ఐక్యతకు ప్రతికూలంగా మారవచ్చన్న ఆందోళన పాక్ వర్గాల్లో వ్యక్తమవుతోంది. మరోవైపు, Saudi Arabia కూడా ఇజ్రాయెల్‌తో సంబంధాలు మెరుగుపరుచుకుంటున్న నేపథ్యంలో, పాకిస్థాన్ అంతర్జాతీయ వేదికపై ఒంటరిపడే ప్రమాదం ఉందన్న చర్చలు అక్కడ వినిపిస్తున్నాయి.