by Suryaa Desk | Fri, Dec 19, 2025, 07:20 PM

ఆంధ్రప్రదేశ్‌లోని ఇంటర్మీడియట్ విద్యార్థులకు అలర్ట్.. ఏపీ ఇంటర్ పరీక్షల షెడ్యూల్ విడుదల అయ్యింది. ఆంధ్రప్రదేశ్ ఇంటర్మీడియట్ పరీక్షలు 2026 ఫిబ్రవరి 23 నుంచి మార్చి 24వ తేదీ వరకూ జరగనున్నాయి. అలాగే ఏపీ ఇంటర్ ప్రాక్టికల్స్ జనవరి 27 నుంచి ఫిబ్రవరి 10 వరకూ నిర్వహించనున్నారు. ఈ మేరకు సవరించిన ఇంటర్మీడియట్ పరీక్షల టైమ్ టేబుల్‌ను ఏపీ ఇంటర్మీడియట్ బోర్డు విడుదల చేసింది. ఫిబ్రవరి, మార్చి నెలలో ఇంటర్ పరీక్షలు జరగనున్నాయి. ఇంటర్ పరీక్షల షెడ్యూల్‌ను గతంలోనే ప్రకటించినప్పటికీ.. 2026 సంవత్సరానికి సంబంధించిన సెలవుల జాబితా వచ్చిన అనంతరం.. వాటికి అనుగుణంగా ఇంటర్ పరీక్షల టైమ్ టేబుల్ సవరించారు. దీంతో ఇంటర్ పరీక్షల తేదీలలో మార్పులు చోటుచేసుకున్నాయి.

ఏపీలో ఇంటర్మీడియట్ పరీక్షలు ఫిబ్రవరి 23న మొదలై.. మార్చి 24వ తేదీతో ముగుస్తాయి. పరీక్ష ఉదయం 9 గంటలకు ప్రారంభమై.. 12 గంటలకు ముగుస్తుంది. ఫిబ్రవరి 23న ఇంటర్ మొదటి సంవత్సరం పరీక్షలు ప్రారంభం కానుండగా.. ఫిబ్రవరి 24 నుంచి ఇంటర్ రెండో సంవత్సరం పరీక్షలు మొదలు కానున్నాయి. తొలుత లాంగ్వేజ్ పరీక్షలు.. ఆ తర్వాత సబ్జెక్ట్ పేపర్లు నిర్వహిస్తారు. అలాగే జనవరి 21వ తేదిన ఎథిక్స్ అండ్ హ్యూమన్ వాల్యూస్ పరీక్ష ఉంటుంది. అలాగే జనవరి 23న ఎన్విరాన్‌మెంటల్ ఎడ్యుకేషన్ పరీక్ష నిర్వహిస్తారు. ప్రాక్టికల్ పరీక్షల విషయానికి వస్తే.. జనరల్ కోర్సులకు ఫిబ్రవరి 1 నుంచి ఫిబ్రవరి 10 వరకూ ప్రాక్టికల్స్ పరీక్షలు ఉంటాయి. ఒకేషనల్ కోర్సులకు జనవరి 27 నుంచి ఫిబ్రవరి 10 వరకూ ప్రాక్టికల్ పరీక్షలు నిర్వహిస్తారు.

మార్పులు ఇవే..

అక్టోబర్ నెలలో ప్రకటించిన ఇంటర్మీడియట్ పరీక్షల షెడ్యూల్‌లో చిన్న మార్పులు చేశారు. మార్చి 20న జరగాల్సిన.. ఇంటర్ మొదటి సంవత్సరం పబ్లిక్ అడ్మినిస్ట్రేషన్ / లాజిక్ 1 పరీక్షను మార్చి 21వ తేదీన నిర్వహిస్తారు. అలాగే మార్చి 3వ తేదీ జరగాల్సిన ఇంటర్ రెండో సంవత్సరం మ్యాథ్స్ పేపర్ 2ఏ/ సివిక్స్ 2 పేపర్ పరీక్షలను మార్చి నాలుగో తేదీ నిర్వహిస్తారు. మిగతా పరీక్షలు యథావిథిగానే ఉంటాయని ఇంటర్ బోర్డు ప్రకటించింది.

ఏపీ ఇంటర్మీడియట్ పరీక్షల షెడ్యూల్ 2026

ఫిబ్రవరి 23 - మొదటి సంవత్సరం సెకండ్ లాంగ్వేజ్ పేపర్

ఫిబ్రవరి 24 - రెండో సంవత్సరం సెకండ్ లాంగ్వేజ్ పేపర్

ఫిబ్రవరి 25 - మొదటి సంవత్సరం ఇంగ్లీష్ పేపర్

ఫిబ్రవరి 26 - రెండో సంవత్సరం ఇంగ్లీ్ష్ పేపర్

ఫిబ్రవరి 27 - మొదటి సంవత్సరం హిస్టరీ పేపర్ 1, బోటనీ పేపర్ 1

ఫిబ్రవరి 28 - రెండో సంవత్సరం హిస్టరీ/ బోటనీ పేపర్ 2

మార్చి 2 - మొదటి సంవత్సరం మ్యాథ్స్ పేపర్ 1, పేపర్ 1ఏ

మార్చి 4 - రెండో సంవత్సరం మ్యాథ్స్ పేపర్ 2ఏ/ సివిక్స్ 2

మార్చి 5 - మొదటి సంవత్సరం బయాలజీ/ మ్యాథ్స్ 1బి, జూవాలజీ పేపర్ 1

మార్చి 6 - రెండో సంవత్సరం జూవాలజీ 2/ ఎకనామిక్స్ 2

మార్చి 7 - మొదటి సంవత్సరం ఎకనామిక్స్ 1

మార్చి 9- రెండో సంవత్సరం మ్యాథ్స్ పేపర్ 2బి

మార్చి 10- మొదటి సంవత్సరం ఫిజిక్స్ 1

మార్చి 11- రెండో సంవత్సరం ఫిజిక్స్/ కామర్స్ / సోషియాలజీ / మ్యూజిక్ 2

మార్చి 12 - మొదటి సంవత్సరం కామర్స్ / సోషియాలజీ / మ్యూజిక్ 1

మార్చి 13- రెండో సంవత్సరం ఫిజిక్స్ 2

మార్చి 14- మొదటి సంవత్సరం సివిక్స్ 1

మార్చి 16 - రెండో సంవత్సరం మోడ్రన్ లాంగ్వేజ్/ జియోగ్రఫీ 2

మార్చి 17 - మొదటి సంవత్సరం కెమిస్ట్రీ 1

మార్చి 18 - రెండో సంవత్సరం కెమిస్ట్రీ 2

మార్చి 21 - మొదటి సంవత్సరం పబ్లిక్ అడ్మినిస్ట్రేషన్ / లాజిక్ 1

మార్చి 23 - రెండో సంవత్సరం పబ్లిక్ అడ్మినిస్ట్రేషన్ / లాజిక్ -2

మార్చి 24 - మొదటి సంవత్సరం మోడ్రన్ లాంగ్వేజ్/ జియోగ్రఫీ 1