by Suryaa Desk | Sat, Dec 13, 2025, 10:58 PM

కాలేయం మొత్తం బరువులో 5 నుంచి 10 శాతం కొవ్వు పెరిగితే దానిని ఫ్యాటీ లివర్ డిసీజ్ అంటారు. ఈ సమస్యని మొదట్లోనే గుర్తించడం చాలా ముఖ్యం. లేదంటే లక్షణాలు పెరిగి లివర్ ఫెయిల్ అయ్యే అవకాశం ఉంది. అయితే, మొదట్లో లక్షణాలు కనిపించవు. సమస్య ఉందో లేదో కొన్నిసార్లు మనం ముఖాన్ని చూసి చెప్పొచ్చు. ఈ లక్షణాలన్నీ మిగతా సమస్య లక్షణాల్లానే ఉంటాయి. అలా అని నిర్లక్ష్యం చేస్తే లివర్ ఫెయిల్ అవకాశం ఉంటుంది. అందుకే, ముందుగానే అలర్ట్ అవ్వండి. ఈ లక్షణాల గురించి న్యూట్రిషనిస్ట్ కృష్ణవేణి క్లియర్‌గా చెబుతున్నారు. ముఖంతో పాటు బాడీలో కనిపించే కొన్ని లక్షణాలను చూసి కూడా సమస్యని ఇట్టే కనిపెట్టొచ్చు. అలాంటి లక్షణాలు ఏంటి, సమస్య రాకుండా తీసుకోవాల్సిన జాగ్రత్తలు, వచ్చాక తగ్గేందుకు ఏం చేయాలి? ఇలాంటి అన్నీ వివరాలు తెలుసుకోండి.

ముఖం డల్‌గా కనిపించడం

సాధారణంగా ఏదైనా సమస్య ఉంటే ముఖం డల్‌గా కనిపిస్తుంది. స్కిన్ గ్లో తగ్గుతుంది. ఏదో పాలిపోయినట్లుగా రంగు తగ్గినట్లుగా, నీరసంగా ఉంటుంది. ఇలా ఉంటే మనం ముందుగానే అలర్ట్ అవ్వాలి. వీటితో పాటు మన బాడీలో కొన్ని లక్షణాలు కూడా కనిపిస్తాయి.

వాపు, రంగు మారడం

ఫ్యాటీ లివర్ సమస్య ఉంటే ముఖం వాపుగా ఉంటుంది. ముఖంలో నీరంతా చేరి వాచినట్లుగా ఉంటుంది. ఇంతకు ముందు లక్షణానికి, దీనికి కాస్తా తేడా ఉన్నప్పటికీ రెండు కూడా ఫ్యాటీ లివర్ ఉందని సూచించే లక్షణాలే. ముఖం ఉన్న రంగు కంటే డిఫరెంట్‌గా కనిపిస్తుంది. పసుపు రంగులో కనిపిస్తుంది.

ముఖంపై చర్మ రంగు మారడం

ఫ్యాటీ లివర్ సమస్య ఉంటే ముఖమంతా వాపు, ఉబ్బినట్లుగా ఉండడమే కాకుండా రంగు కూడా మారుతుంది. కళ్ళ చుట్టూ కూడా డార్క్ సర్కిల్స్ వస్తాయి. ముఖమంతా జిడ్డు పేరుకుపోయి యాక్నే లేదా ఎర్రబడడం వంటి లక్షణాలన్నీ కనిపిస్తాయి. దీంతో పాటు దురద, డ్రైగా మారడం, డార్క్ ప్యాచెస్ వంటివన్నీ కనిపిస్తాయి.

డబుల్ చిన్ ఉన్నా కూడా

దీంతో పాటు డబుల్ చిన్ కనిపిస్తుంది. దవడ కింద మరో భాగం వేలాడినట్లుగా ఉంటుంది. మెడ, అండర్ ఆర్మ్స్ భాగాల్లో నల్లగా మారతాయి. వీటితో పాటు స్పైడర్ వీన్స్ వంటి సమస్యలు వస్తాయి. ఇంతకుముందులా ఉన్నట్లు ముఖం, చర్మ భాగాలు ఉండవు. అన్నింటిలోనూ మార్పులు స్పష్టంగా కనిపిస్తాయి. ​

వీటితో పాటు మిగతా లక్షణాలుబెల్లీ పెరిగిపోతుంది. జీర్ణ సమస్యలు ఎక్కువ అవుతాయి. ఎప్పటికీ నీరసంగా ఉంటారు.

ఫ్యాటీ లివర్ గురించి కనిపించే లక్షణాలు

సమస్య తగ్గేందుకు ఏం చేయాలి?

రోజూ బ్రిస్క్ వాక్, యోగా, లైట్ వర్కౌట్ చేయాలి. ఏదైనా కూడా 45 నుంచి 60 నిమిషాల పాటు చేయాలి.

జంక్ అండ్ ప్రాసెస్డ్ ఫుడ్స్ తీసుకోకూడదు.

పసుపు, ఉసిరి, వెల్లుల్లి, కరివేపాకు వంటి ఫుడ్స్‌ని ఎక్కువగా తీసుకోవాలి.

మద్యపానం, హై షుగర్ ఫుడ్స్, డ్రింక్స్ తగ్గించాలి.

రాత్రి లేట్‌గా తినొద్దు. తేలిగ్గా జీర్ణమయ్యే ఫుడ్స్ మాత్రమే తీసుకోవాలి.

రోజంతా గోరువెచ్చని నీరు తీసుకుంటే డైజెషన్‌కి బాగుంటుంది.

గమనిక :ఇది సాధారణ సమాచారం కోసం మాత్రమే. ఇది ఏ విధంగానూ ఏ మెడిసిన్ లేదా చికిత్సకు ప్రత్యామ్నాయం కాదు. వీటిని పాటించేముందు మరింత సమాచారం కోసం ఎల్లప్పుడూ మీ వైద్యుడిని సంప్రదించండి. తెలుగు సమయం ఈ విషయాల్ని ధృవీకరించడం లేదు. ఖచ్చితత్వం, ప్రభావానికి తెలుగు సమయం బాధ్యత వహించదు.​​