by Suryaa Desk | Tue, Jun 17, 2025, 02:12 PM

ఒడిశాలోని గంజాం జిల్లాలో దారుణమైన సంఘటన చోటుచేసుకుంది. స్థానిక ప్రైవేటు కాలేజీలో చదువుతున్న ఓ విద్యార్థినిపై పది మంది దుండగులు సామూహిక అత్యాచారానికి పాల్పడ్డారు. ఈ ఘటన హింజిలీకట్ ప్రాంతంలో ఆదివారం రాత్రి జరిగింది. పోలీసులు నిందితులను అరెస్టు చేసి, కేసు నమోదు చేశారు.
ఆదివారం రాత్రి విద్యార్థిని తన స్నేహితుడితో కలిసి సమీపంలోని బీచ్‌కు వెళ్లింది. అక్కడ దుండగులు ఆమె స్నేహితుడిని చెట్టుకు కట్టేసి, ఆమెపై దాడి చేశారు. అనంతరం విద్యార్థినిపై సామూహిక అత్యాచారం చేసిన నిందితులు, ఆమె ఫోటోలు తీసి డబ్బులు డిమాండ్ చేస్తూ బెదిరింపులకు దిగారు.
బాధితురాలి ఫిర్యాదు మేరకు పోలీసులు వెంటనే రంగంలోకి దిగి, పది మంది నిందితులను అదుపులోకి తీసుకున్నారు. ఈ ఘటన స్థానికంగా తీవ్ర ఆందోళనకు దారితీసింది. నిందితులపై కఠిన చర్యలు తీసుకోవాలని స్థానికులు డిమాండ్ చేస్తున్నారు. పోలీసులు కేసును లోతుగా దర్యాప్తు చేస్తున్నారు.