by Suryaa Desk | Wed, Jun 11, 2025, 04:28 PM

బంగారం ధర భారీగా తగ్గింది. జూన్ 11వ తేదీ బుధవారం బంగారం ధరలు ఇలా ఉన్నాయి. 24 క్యారెట్ల 10 గ్రాముల బంగారం ధర రూ. 97,200 పలుకుతోంది. 22 క్యారెట్ల 10 గ్రాముల బంగారం ధర రూ. 88,000 పలికింది. ఒక కేజీ వెండి ధర రూ. 1,09,000 పలికింది. బంగారం ధరలు ఆల్ టైం రికార్డ్ స్థాయి నుంచి నెమ్మదిగా తగ్గుతూ వస్తున్నాయి. పసిడి ధరలు ప్రస్తుతం తగ్గడానికి ప్రధాన కారణం అంతర్జాతీయంగా నెలకొన్నటువంటి పరిస్థితులు ప్రధానంగా చెప్పవచ్చు. బంగారం ధరలు అమెరికా మార్కెట్లో ప్రస్తుతం తగ్గుదల బాట పడుతున్నాయి. అమెరికా ఫ్యూచర్స్ మార్కెట్లో బంగారం ధర ప్రస్తుతం ఒక ఔన్స్ 3300 డాలర్ల కన్నా తక్కువగా ఉంది. బంగారం ధరలు ఆల్ టైం రికార్డ్ స్థాయిన లక్ష రూపాయల నుంచి తగ్గుతూ ప్రస్తుతం 97 వేల రూపాయల వద్ద పలుకుతున్నాయి. ముఖ్యంగా బంగారు ఆభరణాలు కొనుగోలు చేసే వారికి ఇది కొద్దిగా ఉపశమనం అయినప్పటికీ ఇంకా బంగారం ధరలు ఆల్ టైం రికార్డ్ స్థాయికి సమీపంలోనే ఉన్నాయి అని గుర్తుంచుకోవాలి. ప్రస్తుతం 22 క్యారెట్ల బంగారం ధర 88 వేల రూపాయలు పలుకుతోంది. బంగారం ధరలు భారీగా పెరిగిన నేపథ్యంలో 18 క్యారెట్ల బంగారంతో ఆభరణాలు చేయించుకుంటే ఖర్చు తగ్గే అవకాశం ఉంటుంది. ఇదిలా ఉంటే బంగారం ధరలు భవిష్యత్తులో తగ్గే అవకాశం ఉందని నిపుణులు అంచనా వేస్తున్నారు. దీనికి ప్రధాన కారణం డాలర్ విలువ బలపడటమే అని చెప్పవచ్చు. డాలర్ విలువ నెమ్మదిగా బలపడుతూ వస్తోంది. డాలర్ విలువ బలపడే కొద్దీ బంగారం ధరలు తగ్గుతూ ఉంటాయి. దీనికి ప్రధాన కారణం డాలర్ ప్రపంచవ్యాప్తంగా అత్యధికంగా చలామణి అయ్యే మారకంగా ఉంది. అంతేకాదు వాళ్లు దేశాలు బంగారం కొనుగోలు చేసే సమయంలో తక్కువ డాలర్లు ఖర్చు చేయడం ద్వారా ఎక్కువ బంగారం కొనుగోలు చేసే పరిస్థితి ఏర్పడుతుంది దీని ద్వారా బంగారం డిమాండ్ తగ్గుతుంది అని చెప్పవచ్చు. దీనికి తోడు స్టాక్ మార్కెట్లో పాజిటివ్ లో ఉన్నప్పుడు బంగారం ధరలు సాధారణంగా తగ్గుతూ ఉంటాయి. అయితే నిజానికి బంగారం ధరలు గత కొంతకాలంగా స్థిరంగా ఉన్నాయని చెప్పవచ్చు భారీగా తగ్గలేదు. ఈ నేపథ్యంలో బంగారం ధరలు గత కొంతకాలంగా ఒక లక్ష రూపాయలకు సమీపంలో ట్రేడ్ అవుతున్నాయి. పసిడి ధరలు భారీగా పెరిగిన నేపథ్యంలో బంగారు ఆభరణాలు కొనుగోలు చేసేవారు జాగ్రత్తగా ఉండాల్సిన పరిస్థితి ఏర్పడింది.