by Suryaa Desk | Sat, Jun 07, 2025, 03:46 PM

తెలుగు రాష్ట్రాల్లో పేదల అభివృద్ధికి ఆర్డీటీ (RDT) సంస్థ అందిస్తున్న సేవలు నిరంతరంగా కొనసాగుతాయని ఆంధ్రప్రదేశ్ ప్రభుత్వ మంత్రి పయ్యావుల కేశవ్ తెలిపారు. శనివారం ఆయన మీడియాతో మాట్లాడుతూ, అనంతపురం, శ్రీ సత్యసాయి, కర్నూలు, నంద్యాల, మహబూబ్‌నగర్ జిల్లాల్లో విద్య, వైద్యం, విజ్ఞానం, ఉపాధి తదితర రంగాల్లో ఆర్డీటీ సేవలు కొనసాగుతున్నాయని తెలిపారు.
ఈ సేవల అభివృద్ధికి రాష్ట్ర ప్రభుత్వం పూర్తి మద్దతు ఇస్తుందని చెప్పారు. ఇప్పటికే ముఖ్యమంత్రి చంద్రబాబు నాయుడు ఈ విషయంపై ప్రధాని నరేంద్ర మోదీతో చర్చించారని మంత్రి వెల్లడించారు. పేదల సంక్షేమం కోసం ప్రభుత్వంతో పాటు ఆర్డీటీ వంటి స్వచ్ఛంద సంస్థలు ముందుకు రావడం అభినందనీయమని అన్నారు.