by Suryaa Desk | Mon, May 26, 2025, 11:01 AM

ఉత్తరప్రదేశ్‌కు చెందిన సీరియల్‌ కిల్లర్‌ రామ్‌ నిరంజన్‌, అతడి సహచరుడు బక్ష్‌రాజ్‌లకు లఖ్‌నవూ కోర్టు జీవితఖైదు శిక్ష విధించింది. రామ్‌ నిరంజన్‌పై మనిషి తలను మరిగించి సూప్‌ తాగిన దారుణమైన ఆరోపణలున్నాయి. 2000లో మనోజ్‌, రవి అనే వ్యక్తులను హత్య చేసి, వారి మృతదేహాలను ముక్కలుగా నరికినట్లు తేలింది. అంతేకాక, జర్నలిస్ట్‌ ధీరేంద్రను కూడా హత్య చేసినట్లు నిరంజన్‌ అంగీకరించాడు.
పోలీసులు నిరంజన్‌ ఇంట్లో సోదాలు చేసిన సమయంలో 14 హత్యలను ప్రస్తావిస్తూ రాసిన డైరీని స్వాధీనం చేసుకున్నారు. ఈ డైరీలో అతడు చేసిన దారుణ కృత్యాల వివరాలు ఉన్నాయి. కోర్టులో శిక్ష విధించే సమయంలో రామ్‌ నిరంజన్‌లో ఎలాంటి పశ్చాత్తాపం కనిపించలేదని జడ్జి పేర్కొన్నారు.
ఈ దారుణ ఘటన రాష్ట్రంలో కలకలం రేపింది. నరమాంస భక్షణ ఆరోపణలతో పాటు బహుళ హత్యలు చేసిన నిరంజన్‌కు జీవితఖైదు విధించడం ద్వారా న్యాయం జరిగినట్లు పలువురు భావిస్తున్నారు.