by Suryaa Desk | Fri, May 23, 2025, 04:07 PM

అనంతపురం జిల్లాలో విషాదం చోటుచేసుకుంది. తపోవనానికి చెందిన వైఎస్ ఆర్ కాంగ్రెస్ పార్టీ (వైసీపీ) నేత జి. పుల్లారెడ్డి శుక్రవారం అనారోగ్యంతో కన్నుమూశారు. ఆయన మృతితో స్థానిక నాయకత్వ వర్గంలో విషాద ఛాయలు అలముకున్నాయి.
పుల్లారెడ్డి మృతవార్త తెలియగానే జిల్లా వైసీపీ అధ్యక్షుడు అనంత వెంకటరామిరెడ్డి వెంటనే స్పందించారు. ఆయన స్థానిక నాయకులతో కలిసి పుల్లారెడ్డి నివాసానికి వెళ్లి భౌతికకాయానికి పూలమాల వేసి నివాళులర్పించారు. అనంతరం పుల్లారెడ్డి కుటుంబ సభ్యులను పరామర్శించి సాంత్వన తెలిపారు.
పార్టీలో పుల్లారెడ్డి గారి సేవలు మరువలేనివని నేతలు పేర్కొన్నారు. ఆయన మృతిపై పలువురు వైసీపీ శ్రేణులు దిగ్భ్రాంతి వ్యక్తం చేస్తున్నారు.