|
|
by Suryaa Desk | Tue, May 20, 2025, 12:01 AM
అనీమియా సమస్య ఉంటే అలసట, జుట్టు రాలడం, శ్వాస ఆడకపోవడం, ఆకలి తగ్గడం వంటి లక్షణాలు ఉంటాయి. ఎర్ర రక్తకణాలలో కీలకమైన ప్రోటీన్ బంధిత ఐరన్ అయిన హిమోగ్లోబిన్ ముఖ్య అవయవాలకి ఆక్సీజన్ని సరఫరా చేస్తుంది. అదే హిమోగ్లోబిన్ లెవల్స్ తగ్గినప్పుడు బాడీలో ఆక్సీజన్ సరఫరా జరగదు. దీని వల్ల నెగెటీవ్ ఎఫెక్ట్స్ ఉంటాయి. ఇది చాలా మందిలో కామన్ ప్రాబ్లమ్. ఈ సమస్యని దూరం చేయడంలో ప్రకృతిలోని కొన్ని పదార్థాలు హెల్ప్ చేస్తాయి.
ఖర్జూరాలు, ఎండు ఖర్జూరాలు
ఈ రెండింటి కలయిక ఐరన్, మెగ్నీషియం, కాపర్, విటమిన్స్ ఎ, సీలని అందిస్తుంది. వీటిని మీరు డ్రై ఫ్రూట్స్లా డేలో ఎప్పుడైనా తీసుకోవచ్చు. దీని వల్ల ఐరన్ విపరీతంగా పెరుగుతుంది. కాబట్టి, రోజుకి 3, 5 దీంతోపాటు టేబుల్ స్పూన్ ఎండుద్రాక్షల్ని కూడా తీసుకోవాలి. వీటిని బ్రేక్ఫాస్ట్లో యాడ్ చేయడం వల్ల అప్పటికప్పుడు ఎనర్జీని అందిస్తుంది. వీటితో పాటు ప్రూన్స్, ఆలివ్స్, మల్బెరీస్లో ఎక్కువగా ఐరన్ ఉంటుంది. వీటిని అలానే తినొచ్చు. జ్యూస్లా చేసుకుని తీసుకోవచ్చు. గుమ్మడిగింజల్లోనూ ఐరన్ లెవల్స్ ఎక్కువగా ఉంటుంది.
మునగాకు
మునగాకు ఒక్క సర్వింగ్తోనే మనకి 28 మిల్లీ గ్రాముల కంటే ఎక్కువ ఐరన్ లభిస్తుంది. హిమోగ్లోబిన్ లెవల్స్ని, ఎర్ర రక్తకణాల సంఖ్యని పెంచడానికి ఇది చాలా ముఖ్యమైన ఎంపిక. వీటితో పాటు ఆకుకూరలు, కాలే వంటివి తీసుకోవడం, బ్రకోలీ తీసుకోవడం వల్ల సమస్య తగ్గుతుంది.
పాలకూర
పాలకూర రక్తహీనతని తగ్గించే బెస్ట్ రెమిడీ. రెగ్యులర్గా పాలకూరని తీసుకుంటే ఈ సమస్య నుంచి బయటపడొచ్చు. ఇందులో విటమిన్ బి12, ఫోలిక్ యాసిడ్, ఇతర ముఖ్య పోషకాలు సమృద్ధిగా ఉంటాయి. వీటిని తీసుకోవడం వల్ల హిమోగ్లోబిన్ లెవల్స్ పెరుగుతాయి. రక్తహీనత తగ్గుతుంది. కాబట్టి, వారంలో రెండుసార్లైనా తీసుకోండి.
బీట్రూట్స్
బీట్రూట్లో కాపర్, ఐరన్, మెగ్నీషియం, పాస్ఫరస్, విటమిన్స్ బి2, బి1, బి12, బి6, సిలు ఉన్నాయి. ఎర్ర రక్తకణాల ఉత్పత్తిని పెంచడంలో, బాడీలోని హిమోగ్లోబిన్ లెవల్స్ని పెంచడంలో ఈ పోషకాలు ముఖ్యమైనవి. బీట్రూట్లోని ప్రయోజనాలు పొందడానికి ఐరన్ శోషణకి సాయపడే విటమిన్ సి కంటెంట్ని మెరుగ్గా చేయడానికి కప్పు బీట్రూట్ ముక్కల్ని జ్యూస్లా చేసి తాగండి.
నల్ల నువ్వులు
నువ్వులు తినడం వల్ల ఐరన్ శోషణలో సాయపడుతుంది. వీటిని మనం తీసుకోవడం వల్ల చాలా వరకూ ఐరన్ అందుతుంది. సలాడ్స్, లడ్డూల్లా చేసి తినడం, పొడిలా చేసుకుని ఎలా తిన్నా మనకి మంచిదే. నువ్వుల్లో ఐరన్, కాపర్, జింక్, సెలెనీయం, విటమిన్ బి6, ఫొలేట్, ఈ వంటివి ఉంటాయి.
Latest News