డిజిటల్ పార్టనర్ ని ఖరారు చేసిన 'మిరాయ్'
cinema | Suryaa Desk | Published : Fri, Sep 12, 2025, 03:12 PM
టాలీవుడ్ యంగ్ అండ్ టాలెంటెడ్ హీరో తేజ సజ్జా పాన్-ఇండియా చిత్రం "మిరాయ్"తో ప్రేక్షకుల ముందుకు వచ్చాడు. భారీ హైప్ మధ్య విడుదలైన ఈ సినిమా మిశ్రమ సమీక్షలని అందుకుంటుంది. ఈ సినిమాకి కార్తీక్ ఘట్టమ్నేని సినిమాటోగ్రఫీ మరియు స్క్రీన్ప్లే రెండింటినీ నిర్వహించారు. తాజాగా మూవీ మేకర్స్ ఈ సినిమా యొక్క డిజిటల్ స్ట్రీమింగ్ రైట్స్ ని జియో హాట్ స్టార్ సొంతం చేసుకున్నట్లు ప్రకటించారు. ఈ విషయాన్ని తెలియజేసేందుకు చిత్ర బృందం సోషల్ మీడియాలో సరికొత్త పోస్టర్ ని విడుదల చేసింది. మంచు మనోజ్ ఈ సినిమాలో విలన్ పాత్రలో నటిస్తున్నారు. ఈ సినిమాలో రితిక నాయక్ మహిళా ప్రధాన పాత్రలో నటిస్తుంది. ఈ చిత్రంలో శ్రియా సరన్, జయరం, జగపతి బాబు కూడా కీలక పాత్రల్లో నటించారు. గౌర హరి సంగీతాన్ని అందించగా, శ్రీ నాగేంద్ర తంగల కళా దర్శకుడిగా వ్యవహరిస్తున్నారు. ఈ సినిమని టిజి విశ్వ ప్రసాద్, కృతి ప్రసాద్ పీపుల్ మీడియా ఫ్యాక్టరీ పతాకంపై నిర్మించారు.
|
|