'విశ్వంభర' గురించి ఆసక్తికర వ్యాఖ్యలు చేసిన వశిష్ఠ
cinema | Suryaa Desk | Published : Wed, Jul 23, 2025, 01:10 PM
చిరంజీవి కథానాయకుడిగా 'విశ్వంభర' రూపొందుతోంది. ఈ సినిమాకి వశిష్ఠ దర్శకత్వం వహిస్తున్నారు. భారీ బడ్జెట్ తో ఈ సినిమా నిర్మితమవుతోంది. ఈ నేపథ్యంలో అయన ఈ సినిమాను గురించి మాట్లాడారు. 'బింబిసార' తరువాత నేను 'బింబిసార 2' చేయవలసి ఉంది. కానీ ఆ ప్రాజెక్టు వేరేవాళ్లు చేస్తేనే బాగుంటుందని భావించి నేను బయటికి వచ్చేశాను"అని అన్నారు. " అంతకుముందే నేను రజనీకాంత్ గారి కోసం ఒక కథను సిద్ధం చేసుకున్నాను. ఆయనకి వినిపించాలని అనుకున్నాను. ఆ కథ నచ్చడంతో దిల్ రాజుగారు అందుకు సంబంధించిన ఏర్పాట్లు చకచకా చేసేశారు. రజనీకాంత్ గారికి కథ చెప్పాను .. ఆయనకి నచ్చింది కూడా. కాకపోతే కొన్ని కారణాల వలన ఆ ప్రాజెక్టు పట్టాలెక్కలేదు. అలాంటి పరిస్థితులలోనే చిరంజీవిగారికి కథని వినిపించే ఛాన్స్ వచ్చింది" అని చెప్పారు. " నేను ఎంతగానో అభిమానించే మెగాస్టార్ ముందు కూర్చున్నాను అనే ఆలోచనే నన్ను ఉక్కిరిబిక్కిరి చేసింది. బెరుకుగా .. భయంగా మాత్రం అనిపించలేదు. ఎందుకంటే చిరంజీవిగారు ఆ ఫ్రీడమ్ ఇస్తారు. అలాగని చెప్పి చిరంజీవిగారి కళ్లలోకి చూస్తూ కథ చెప్పడం కూడా అంత తేలికైన విషయమేం కాదు. కథ విన్న తరువాత తన నిర్ణయాన్ని చెప్పడానికి ఆయన ఎక్కువ సమయం తీసుకోరు. ఈ సినిమా చేస్తున్నామని చెప్పగానే, ఆ ఆశ్చర్యం నుంచి తేరుకోవడానికి నాకు చాలా సమయం పట్టింది" అని అన్నారు.
|
|