24 గంటల వ్యవధిలోనే ఏకంగా 1,15,000 టికెట్లు అమ్ముడుపోయినట్లు మంచు విష్ణు వెల్లడించారు
cinema | Suryaa Desk | Published : Thu, Jun 26, 2025, 06:02 PM_3609.jpg)
మంచు విష్ణు డ్రీమ్ ప్రాజెక్ట్ 'కన్నప్ప' చిత్రం విడుదలకు ముందే సంచలనం సృష్టిస్తోంది. ఈ చిత్రం రేపు (జూన్ 27) విడుదల కానున్న నేపథ్యంలో టికెట్లు హాట్ కేకుల్లా అమ్ముడవుతున్నాయి. కేవలం 24 గంటల వ్యవధిలోనే ఏకంగా 1,15,000 టికెట్లు అమ్ముడుపోయినట్లు మంచు విష్ణు వెల్లడించారు. ఈ మేరకు సోషల్ మీడియా వేదికగా తన సంతోషాన్ని, ఉద్వేగాన్ని పంచుకున్నారు.ప్రేక్షకుల స్పందన చూసి హృదయం పరవళ్లు తొక్కుతోందని, తన మనసు ఉద్వేగంతో నిండిపోయిందని తెలిపారు. సినిమా విడుదలకు ముందే ఇంతటి ఆదరణ, అభిమానం లభించడం నిజంగా అదృష్టంగా భావిస్తున్నట్లు పేర్కొన్నారు. ఈ అచంచలమైన మద్దతు అందిస్తున్న ప్రతి సినీ ప్రేమికుడికి తాను మనస్ఫూర్తిగా కృతజ్ఞతలు తెలుపుకుంటున్నట్లు విష్ణు వివరించారు.ఇది కేవలం ఒక సినిమా మాత్రమే కాదని, ఇది పూర్తిగా పరమేశ్వరుడికి, కన్నప్పకు చెందిన ఘనత అని తెలిపారు. ఈ విజయం, ఈ ఆదరణ అంతా వారికే అంకితమని విష్ణు తన పోస్ట్లో పేర్కొన్నారు. #HarHarMahadev అంటూ తన భక్తిని చాటుకున్నారు.ముఖేశ్ కుమార్ సింగ్ దర్శకత్వం వహించిన ఈ చిత్రంలో మోహన్ బాబు, అక్షయ్ కుమార్, ప్రభాస్, మోహన్ లాల్, శరత్ కుమార్ వంటి పలువురు ప్రముఖ నటీనటులు కీలక పాత్రలు పోషించారు.
|
|