వరల్డ్ టెలివిషన్ ప్రీమియర్ తేదీని లాక్ చేసిన 'డబుల్ ఇస్మార్ట్'
cinema | Suryaa Desk | Published : Wed, Jun 18, 2025, 07:10 AM
పూరీ జగన్నాధ్ దర్శకత్వంలో టాలీవుడ్ యంగ్ అండ్ టాలెంటెడ్ హీరో రామ్ పోతినేని నటించిన 'డబుల్ ఇస్మార్ట్' అసలైన మ్యాజిక్ను తిరిగి పొందడంలో విఫలమైంది. బ్లాక్బస్టర్ "ఇస్మార్ట్ శంకర్"కి సీక్వెల్ అయిన "డబుల్ ఇస్మార్ట్" బాక్సాఫీస్ వద్ద నిరాశాజనకమైన ప్రారంభాన్ని చవిచూసింది. ఈ సినిమా అమెజాన్ ప్రైమ్ వీడియోలో స్ట్రీమింగ్ కి అందుబాటులో ఉంది. ఈ సినిమా యొక్క తెలుగు వెర్షన్ శాటిలైట్ రైట్స్ ని జీ తెలుగు మరియు జీ సినిమాలు సొంతం చేసుకుంది. లేటెస్ట్ రిపోర్ట్స్ ప్రకారం, ఈ సినిమా జూన్ 18న సాయంత్రం 6 గంటలకి ప్రీమియర్ గా ప్రదర్శించనున్నట్లు సమాచారం. ఈ సినిమాలో రామ్ సరసన కావ్యా థాపర్ నటించింది. ఈ చిత్రంలో బన్ని జె, అలీ, గెటప్ శ్రీను, సాయాజీ షిండే, మకరంద్ దేశ్పాండే మరియు టెంపర్ వంశీ వంటి ప్రముఖ నటీనటులు కీలక పాత్రలు పోషిస్తున్నారు. ఈ సినిమా ఇస్మార్ట్ శంకర్ కి సీక్వెల్. పూరి కనెక్ట్స్ బ్యానర్పై నిర్మించిన డబుల్ ఇస్మార్ట్ చిత్రానికి మణిశర్మ సంగీతం అందించారు.
|
|