స్ట్రీమింగ్ కి అందుబాటులోకి వచ్చిన 'అలప్పుజా జింఖానా'
cinema | Suryaa Desk | Published : Fri, Jun 13, 2025, 04:55 PM
ప్రేమలు చిత్రంతో తెలుగు ప్రేక్షకులలో ప్రజాదరణ పొందిన తరువాత నటుడు నాస్లెన్ ప్రధాన పాత్రలో నటించిన 'అలప్పుజా జింఖానా' సూపర్ హిట్ గా నిలిచింది. ఈ స్పోర్ట్స్ డ్రామాకి ఖలీద్ రెహ్మాన్ దర్శకత్వం వహించారు. ఈ సినిమా యొక్క డిజిటల్ స్ట్రీమింగ్ రైట్స్ ని సోనీ లివ్ సొంతం చేసుకుంది. తాజాగా ఇప్పుడు డిజిటల్ ప్లాట్ఫారం ఈ సినిమా జూన్ 13న తెలుగు, తమిళ, కన్నడ, హిందీ మరియు మలయాళంలో ప్రసారానికి అందుబాటులోకి వచ్చినట్లు ప్రకటించింది. ఈ విషయాన్ని తెలియజేసేందుకు డిజిటల్ ప్లాట్ఫారం సోషల్ మీడియాలో స్పెషల్ పోస్టర్ ని విడుదల చేసింది. ఈ చిత్రంలో లుక్మన్ అవరాన్, గణపతి ఎస్., సందీప్ ప్రదీప్, అనఘా రవి, ఫ్రాంకో ఫ్రాన్సిస్, బేబీ జీన్, శివ హరిహరన్ కీలక పాత్రలలో నటిస్తున్నారు. ప్లాన్ బి మోషన్ పిక్చర్స్ మరియు రీలిస్టిక్ స్టూడియోస్ ఈ సినిమాని నిర్మించింది. ఈ చిత్రం సంగీతాన్ని విష్ణు విజయ్ స్వరపరిచారు.
|
|