ట్రెండింగ్
సైలెంట్గా ఓటీటీలోకి విజయ్ సేతుపతి ‘ఏస్’ మూవీ
cinema | Suryaa Desk | Published : Fri, Jun 13, 2025, 12:53 PM
విజయ్ సేతుపతి, రుక్మిణీ వసంత్ ప్రధాన పాత్రల్లో నటించిన కొత్త సినిమా ‘ఏస్’. ఈ మూవీ OTT ప్రేక్షకులను అలరించేందుకు వచ్చేసింది. మే 23న ప్రేక్షకుల ముందుకువచ్చిన ఈ చిత్రం సైలెంట్గా ఓటీటీలోకి వచ్చేసింది. అమెజాన్ ప్రైమ్ వీడియో వేదికగా స్ట్రీమింగ్ అవుతోంది. అరుముగ కుమార్ దర్శకత్వం వహించిన ఈ సినిమాలో యోగిబాబు, పృథ్వీరాజ్ తదితరులు నటించారు.బోల్ట్ కన్నన్ (విజయ్ సేతుపతి) జైలు నుంచి విడుదలై తన నేర గతాన్ని వదిలించుకుని కొత్త జీవితాన్ని ప్రారంభించాలని మలేసియాకు వస్తాడు. అక్కడ జ్ఞానందం (యోగిబాబు) ఆశ్రయం కల్పిస్తాడు. మలేషియాలో కల్పన (దివ్యా పిళ్లై) హోటల్ నడుపుతూ ఉంటుంది. ఆమె వద్దకు పనిలో చేరుతాడు బోల్డ్ కన్నన్.. ఈ క్రమంలో, తన పెంపుడు తండ్రి రాజా దొరై (బబ్లూ) నుండి ఇంటిని విడిపించుకోవడానికి డబ్బు కూడబెడుతున్న రుక్మిణి (రుక్మిణి వసంత్)తో కన్నన్ ప్రేమలో పడతాడు. అయితే, కల్పన తన హోటల్ కోసం తీసుకున్న లోన్ చెల్లించలేక చాలా ఇబ్బందులు పడుతూ ఉంటుంది. ఇలా తన ప్రేయసితో పాటు యజమాని కూడా డబ్బుల కోసం ఇబ్బందులు పడుతూ ఉంటారు.
|
|