'కుబేర' థర్డ్ సింగల్ విడుదలకి వెన్యూ లాక్
cinema | Suryaa Desk | Published : Tue, Jun 10, 2025, 12:55 PM
కోలీవుడ్ నటుడు ధనుష్ ప్రధాన పాత్రలో నటిస్తున్న 'కుబేర' చిత్రంపై భారీ అంచనాలు ఉన్నాయి. ప్రముఖ డైరెక్టర్ శేఖర్ కమ్ముల దర్శకత్వం వహిస్తున్న ఈ చిత్రంలో రష్మిక మందన్న మహిళా ప్రధాన పాత్రలో నటిస్తుంది. ఈ చిత్రంలో నాగార్జున, జిమ్ సర్భ్, సాయాజీ షిండే కీలక పాత్రల్లో నటించారు. ఈ సినిమా ప్రమోషనల్ కంటెంట్ కి భారీ స్పందన లభించింది. మేకర్స్ ఈ సినిమాలోని థర్డ్ సింగల్ ని పిప్పి పిప్పి డూమ్ డూమ్ డూమ్ అనే టైటిల్ తో జూన్ 10న అంటే ఈరోజు విడుదల చేయనున్నారు. తాజాగా ఇప్పుడు ఈ సాంగ్ లాంచ్ ఈవెంట్ ని ముంబైలోని జుహు, PVRలో మధ్యాహ్నం 1 గంటకి నిర్వహిస్తున్నట్లు ప్రకటించారు. ఈ విషయాన్ని తెలియజేసేందుకు మూవీ మేకర్స్ సోషల్ మీడియాలో సరికొత్త పోస్టర్ ని విడుదల చేసారు. ఈ చిత్రానికి కెమెరా హ్యాండిల్ నికేత్ బొమ్మి, ఎడిటింగ్ కార్తీక శ్రీనివాస్ అందిస్తున్నారు. దేవి శ్రీ ప్రసాద్ ఈ చిత్రానికి సంగీతాన్ని అందించారు. శ్రీ వెంకటేశ్వర సినిమాస్ ఎల్ఎల్పి మరియు అమిగోస్ క్రియేషన్స్ ప్రైవేట్ లిమిటెడ్ పతాకాలపై సునీల్ నారంగ్ మరియు పుస్కుర్ రామ్ మోహన్ రావు భారీ బడ్జెట్తో భారీ స్థాయిలో ఈ చిత్రాన్ని నిర్మిస్తున్నారు. ఈ చిత్రం జూన్ 20న తమిళం, తెలుగు, హిందీ భాషల్లో విడుదల కానుంది.
|
|