విడాకులకు సిద్ధమైన మరో తార
cinema | Suryaa Desk | Published : Fri, Aug 02, 2019, 12:10 PM
పదకొండేళ్లుగా ఒకటై జీవించిన మేము విడిపో వాలని నిర్ణయించుకున్నాం. ఇకపై మా మధ్య భార్యాభర్తల అనుబంధం లేకపోయినప్పటికీ ఒకరికొ కరం గౌరవ, కృతజ్ఞతా భావనలు కలిగి ఉంటాం. మా జీవన ప్రయాణం మాత్రమే వేర్వేరు దారుల్లో సాగనున్నప్పటికీ మేం గడిపిన మధుర క్షణాలను ఎప్పటికీ గుర్తుంచుకుంటాం. ఇలాంటి పరిస్థితులలో మాకు అండగా నిలిచిన కుటుంబ సభ్యులు, స్నేహితులకు ధన్యవాదాలు. ఇకపై ఈ విషయంపై స్పందించాలని అనుకోవడం లేదు అంటూ బాలీవుడ్ నటి దియామీర్జా సోషల్మీడియాలో తన, తన భర్త పేరుతో ఓ పోస్ట్ పెట్టారు. దీంతో బాలీవుడ్లో మరో జంట వైవాహిక బంధానికి విడాకులతో స్వస్తి పలకబోతున్నట్లు అయింది.
హైదరాబాద్లో పెరిగిన దియామీర్జా బాలీవుడ్లో నటిగా చక్కటి గుర్తింపును సొంతం చేసుకుంది. నటిగానే కాకుండా ప్రత్యేక పాటలలో కూడా నర్తించి…ఆ విధంగా కూడా ప్రేక్షకులను అలరించిన ఆమె డిల్లికి చెందిన సాహిల్ సంగాతో ఆరేళ్ల పాటు డేటింగ్ చేశారు. ఆ తర్వాత 2014లో వారి వివాహం ఢిల్లిలో ఘనంగా జరిగింది. వివాహానంతరం వీరిద్దరూ కలిసి బాబీ జాసూస్ తదితర చిత్రాలను నిర్మించారు కూడా. ఓ వైపు సినిమాలతో పాటు సామాజిక కార్యక్రమాలలో పాలుపంచుకోవడం పట్ల దియా ఎంతో మక్కువ చూపుతుంటారు.
|
|