బ్రిటిష్ స్పై గా రాధికా ఆప్టే
cinema | Suryaa Desk | Published : Tue, Jul 30, 2019, 01:44 PM
ఇటు టాలీవుడ్, అటు బాలీవుడ్ చిత్ర పరిశ్రమలో రాధికా ఆప్టే అంటే తెలియనివారు లేరు. అయితే ఇప్పుడు ఆమె బ్రిటిష్ స్పైగా ‘లిబర్టీ: ఎ కాల్ టు స్పై’ అనే హాలీవుడ్ చిత్రంలో నటిస్తోంది. ఈ సందర్భంగా ఆమె మాట్లాడుతూ.. బ్రిటిష్ స్పై నూర్ ఇనాయత్ఖాన్ పాత్రను పోషించే అవకాశం వస్తుందని తాను ఎప్పుడూ అనుకోలేదని చెప్పింది. ఇందులో ఇనాయత్ ఖాన్ పాత్ర కోసం ఎన్నో పుస్తకాలు, క్లాసిక్ నవలలు చదివానని, స్పై ఫిల్మ్స్ చూశానని తెలిపారు. అదే సమయంలో భారతీయ చిత్రాలకు, హాలీవుడ్ చిత్రాలకు మధ్య అనేక తేడాలు గమనించానని తెలిపింది. ముఖ్యంగా అక్కడ ఒక నటుడు డబ్బు కోసం అడుక్కోవాల్సిన అవసరం ఉండదన్నారు. హాలీవుడ్, బాలీవుడ్, టెలివిజన్ ఇండస్ట్రీకి పని పరంగా ఏమైనా తేడా గమనించారా? అన్న ప్రశ్నకు, ‘అక్కడ ప్రజలు ప్రతి విషయంలోనూ చాలా కచ్చితంగా వ్యవహరిస్తారు. సరైన సమయంలో మనకు రావాల్సింది ఇచ్చేస్తారు. ‘నా డబ్బులు ఇవ్వండి’ అని వారిని అడుక్కోవాల్సిన అవసరం ఉండదు’ అని ఆమె పేర్కొన్నారు.
|
|