'సాలార్' గురించి సాలిడ్ అప్డేట్ ని వెల్లడించిన సినిమాటోగ్రాఫర్
cinema | Suryaa Desk | Published : Thu, Dec 14, 2023, 06:17 PM
ప్రశాంత్ నీల్ డైరెక్షన్ లో టాలీవుడ్ యంగ్ రెబల్ స్టార్ ప్రభాస్ 'సాలార్' సినిమాలో నటిస్తున్న సంగతి అందరికి తెలిసిందే. తాజాగా మూవీ మేకర్స్ ఈ సినిమాలోని మొదటి సింగిల్ని విడుదల చేసారు. ఈ సాంగ్ కి ప్రేక్షకులు మరియు అభిమానుల నుండి భారీ రెస్పాన్స్ వచ్చింది.
ఒక ఇంటర్వ్యూలో, ఈ సినిమా సినిమాటోగ్రాఫర్ భువన్ గౌడ ఈ యాక్షన్ డ్రామా గురించి కొన్ని ఆసక్తికరమైన వివరాలను వెల్లడించారు. కేజీఎఫ్ కంటే సాలార్ స్కేల్ ఐదు రెట్లు పెద్దదని చెప్పారు. హైదరాబాద్లో ఉన్న రామోజీ ఫిల్మ్ సిటీలోనే తాము మరో రామోజీ ఫిల్మ్ సిటీని సృష్టించామని భువన్ గౌడ పేర్కొన్నారు. భువన్ గౌడ మాట్లాడుతూ.. ఆర్ట్ డైరెక్టర్ శివకుమార్ ఈ సినిమా కోసం 100 ఎకరాల్లో భారీ సెట్స్ వేశారు అని చెప్పారు. భారతీయ సినిమాలో వేసిన అతిపెద్ద సెట్లలో ఇదొకటి.
యాక్షన్ థ్రిల్లర్ ట్రాక్ లో వస్తున్న ఈ సినిమాలో ప్రభాస్ సరసన శృతి హాసన్ నటిస్తుంది. ఈ సినిమాలో గోపీ, జగపతిబాబు, పృథ్వీరాజ్ సుకుమారన్, ఈశ్వరీ రావు, పొగరు ఫేమ్ శ్రీయా రెడ్డి, బ్రహ్మాజీ కీలక పాత్రలో కనిపించనున్నారు. ఈ పాన్ ఇండియా సినిమా డిసెంబర్ 22న తెలుగు, తమిళం, కన్నడ, మలయాళం మరియు హిందీ భాషల్లో ప్రేక్షకుల ముందుకు రాబోతుంది. రవి బస్రూర్ ఈ చిత్రానికి సంగీతం అందిస్తున్నారు. ఈ చిత్రాన్ని హోంబలే ఫిల్మ్స్ పతాకంపై విజయ్ కిరగందూర్ నిర్మిస్తున్నారు.
|
|