టాప్ ట్రెండింగ్లో 'సాలార్' ఫస్ట్ సింగల్
cinema | Suryaa Desk | Published : Thu, Dec 14, 2023, 02:49 PM
ప్రశాంత్ నీల్ డైరెక్షన్ లో టాలీవుడ్ యంగ్ రెబల్ స్టార్ ప్రభాస్ 'సాలార్' సినిమాలో నటిస్తున్న సంగతి అందరికి తెలిసిందే. ఈ పాన్ ఇండియా సినిమా డిసెంబర్ 22న తెలుగు, తమిళం, కన్నడ, మలయాళం మరియు హిందీ భాషల్లో ప్రేక్షకుల ముందుకు రాబోతుంది. తాజాగా మూవీ మేకర్స్ ఈ సినిమాలోని ఫస్ట్ సింగిల్ ని రిలీజ్ చేసారు.
ఈ పాట దేవా(ప్రభాస్) మరియు వరద రాజ్(పృథ్వీ రాజ్)ల అనుబంధం మరియు స్నేహబంధాన్ని వర్ణిస్తుంది. లేటెస్ట్ రిపోర్ట్స్ ప్రకారం, ఈ పాట ఇప్పుడు యూట్యూబ్ లో అన్ని భాషలలో ఇండియా వైడ్ గా ట్రేండింగ్ వన్ పోసిషన్ లో ఉన్నట్లు మూవీ మేకర్స్ సోషల్ మీడియాలో సరికొత్త పోస్టర్ ని విడుదల చేసి ప్రకటించారు.
యాక్షన్ థ్రిల్లర్ ట్రాక్ లో వస్తున్న ఈ సినిమాలో ప్రభాస్ సరసన శృతి హాసన్ నటిస్తుంది. ఈ సినిమాలో గోపీ, జగపతిబాబు, పృథ్వీరాజ్ సుకుమారన్, ఈశ్వరీ రావు, పొగరు ఫేమ్ శ్రీయా రెడ్డి, బ్రహ్మాజీ కీలక పాత్రలో కనిపించనున్నారు. ఈ చిత్రాన్ని హోంబలే ఫిల్మ్స్ పతాకంపై విజయ్ కిరగందూర్ నిర్మిస్తున్నారు.
|
|