అభిమానులకి షాక్ ఇచ్చిన 'సాలార్' ఫస్ట్ సింగల్
cinema | Suryaa Desk | Published : Thu, Dec 14, 2023, 02:12 PM
ప్రశాంత్ నీల్ డైరెక్షన్ లో టాలీవుడ్ యంగ్ రెబల్ స్టార్ ప్రభాస్ 'సాలార్' సినిమాలో నటిస్తున్న సంగతి అందరికి తెలిసిందే. తాజాగా మూవీ మేకర్స్ ఈ సినిమాలోని ఫస్ట్ సింగిల్ ని రిలీజ్ చేసారు. ఫస్ట్ సింగిల్ కావడంతో ఇంట్రడక్షన్ సాంగ్ లేదా ఎలివేషన్ సాంగ్ అని అభిమానులు భావించారు. కానీ అర్థవంతమైన సాహిత్యంతో పాటు శ్రావ్యమైన సంగీతంతో పాట చాలా ఆహ్లాదకరంగా ఉంది. ఈ పాట దేవా(ప్రభాస్) మరియు వరద రాజ్(పృథ్వీ రాజ్)ల అనుబంధం మరియు స్నేహబంధాన్ని వర్ణిస్తుంది.
యాక్షన్ థ్రిల్లర్ ట్రాక్ లో వస్తున్న ఈ సినిమాలో ప్రభాస్ సరసన శృతి హాసన్ నటిస్తుంది. ఈ సినిమాలో గోపీ, జగపతిబాబు, పృథ్వీరాజ్ సుకుమారన్, ఈశ్వరీ రావు, పొగరు ఫేమ్ శ్రీయా రెడ్డి, బ్రహ్మాజీ కీలక పాత్రలో కనిపించనున్నారు. ఈ పాన్ ఇండియా సినిమా డిసెంబర్ 22న తెలుగు, తమిళం, కన్నడ, మలయాళం మరియు హిందీ భాషల్లో ప్రేక్షకుల ముందుకు రాబోతుంది. ఈ చిత్రాన్ని హోంబలే ఫిల్మ్స్ పతాకంపై విజయ్ కిరగందూర్ నిర్మిస్తున్నారు.
|
|