స్పెషల్ పార్టీ కోసం సెలబ్రిటీలను ఆహ్వానించిన 'హాయ్ నాన్న' టీమ్
cinema | Suryaa Desk | Published : Mon, Nov 27, 2023, 10:03 PM
నూతన దర్శకుడు శౌర్యువ్ దర్శకత్వంలో నేచురల్ స్టార్ నాని తన 30వ చిత్రాన్ని అధికారకంగా ప్రకటించిన సంగతి అందరికి తెలిసిందే. ఈ చిత్రానికి 'హాయ్ నాన్నా' అనే టైటిల్ను మూవీ మేకర్స్ ఖరారు చేసారు. తాజాగా మూవీ మేకర్స్ ఈ సినిమా ప్రొమోషన్స్ ఈరోజు హైదరాబాద్లోని క్సేనా బ్రూవరీ అండ్ కిచెన్లో గ్రాండ్ కాక్టెయిల్ పార్టీని నిర్వహించనున్నట్లు సమాచారం. సీతా రామం ఫేమ్ మృణాల్ ఠాకూర్ ఈ సినిమాలో నానికి జోడిగా నటిస్తుంది.
ఈ పాన్-ఇండియన్ చిత్రంలో బేబీ కియారా, జయరామ్, ప్రియదర్శి, శ్రుతి హాసన్ మరియు ఇతరులు ముఖ్యమైన పాత్రలు పోషించారు. ఈ సినిమా డిసెంబర్ 7, 2023న ప్రేక్షకుల ముందుకు రానుంది. ప్రముఖ మలయాళ మ్యూజిక్ డైరెక్టర్ హృదయం ఫేమ్ హేషమ్ అబ్దుల్ వహాబ్ ఈ సినిమాకి సంగీతం అందిస్తున్నారు. వైరా ఎంటర్టైన్మెంట్స్ పతాకంపై మోహన్ చెరుకూరి (CVM), డాక్టర్ విజయేందర్ రెడ్డి తీగల మరియు మూర్తి KS ఈ చిత్రాన్ని నిర్మిస్తున్నారు.
|
|