ఎమోషనల్ రోలర్ కోస్టర్ రైడ్ గా 'హాయ్ నాన్నా' ట్రైలర్
cinema | Suryaa Desk | Published : Fri, Nov 24, 2023, 07:18 PM
నూతన దర్శకుడు శౌర్యువ్ దర్శకత్వంలో నేచురల్ స్టార్ నాని తన 30వ చిత్రాన్ని అధికారకంగా ప్రకటించిన సంగతి అందరికి తెలిసిందే. ఈ చిత్రానికి 'హాయ్ నాన్నా' అనే టైటిల్ను మూవీ మేకర్స్ ఖరారు చేసారు. ఈ ఎమోషనల్ లవ్ డ్రామా యొక్క థియేట్రికల్ ట్రైలర్ ని మూవీ మేకర్స్ ఈ రోజు విడుదల చేసారు. ఈ సినిమా ట్రైలర్ 2 నిమిషాల 41 సెకన్ల నిడివితో, ప్రేమ, బాధ, కోపం మరియు అనేక భావోద్వేగాలతో నిండిన ఆకర్షణీయమైన ప్రయాణంగా ఉంది.
ఈ చిత్రంలో శృతి హాసన్, కియారా ఖన్నా, ప్రియదర్శి, జయరామ్ కీలక పాత్రలు పోషిస్తున్నారు. ఈ సినిమా డిసెంబర్ 7, 2023న ప్రేక్షకుల ముందుకు రానుంది. సీతా రామం ఫేమ్ మృణాల్ ఠాకూర్ ఈ సినిమాలో నానికి జోడిగా నటిస్తుంది. ప్రముఖ మలయాళ మ్యూజిక్ డైరెక్టర్ హృదయం ఫేమ్ హేషమ్ అబ్దుల్ వహాబ్ ఈ సినిమాకి సంగీతం అందిస్తున్నారు. వైరా ఎంటర్టైన్మెంట్స్ పతాకంపై మోహన్ చెరుకూరి (CVM), డాక్టర్ విజయేందర్ రెడ్డి తీగల మరియు మూర్తి KS ఈ చిత్రాన్ని నిర్మిస్తున్నారు.
|
|