'లాల్ సలామ్' ఆడియో లాంచ్ కి డేట్ లాక్
cinema | Suryaa Desk | Published : Fri, Nov 24, 2023, 06:41 PM
సూపర్ స్టార్ రజనీకాంత్ ప్రస్తుతం తన పెద్ద కూతురు ఐశ్వర్య రజనీకాంత్ దర్శకత్వంలో రూపొందుతున్న లాల్ సలామ్ చిత్రంలో నటిస్తున్నారు. ఈ సినిమాలో రజనీ ముంబైకి చెందిన మొయిదీన్ భాయ్ అనే గ్యాంగ్స్టర్ పాత్రలో కనిపించనున్నాడని సమాచారం. 2024 పొంగల్ సందర్భంగా ఈ చిత్రాన్ని థియేటర్లలో విడుదల చేయనున్నట్లు మూవీ మేకర్స్ ప్రకటించారు.
తాజా అప్డేట్ ప్రకారం, లాల్ సలామ్ ఆడియో విడుదల డిసెంబర్ 20, 2023 (బుధవారం) చెన్నైలో జరుగుతుంది అని సమాచారం. సోనీ మ్యూజిక్ ఈ సినిమా ఆడియో హక్కులను సొంతం చేసుకుంది. లాల్ సలామ్ సినిమా క్రికెట్ మరియు హిందూ ముస్లిం మత ఘర్షణల నేపథ్యంలో సాగే స్పోర్ట్స్ డ్రామా.
ఈ చిత్రంలో విష్ణు విశాల్ మరియు విక్రాంత్ నటిస్తున్నారు. లైకా ప్రొడక్షన్స్ భారీ ఎత్తున నిర్మిస్తున్న ఈ సినిమాలో తెలుగు నటి, దర్శకురాలు జీవిత రాజశేఖర్ రజనీకాంత్ సోదరిగా నటిస్తుంది. ఈ చిత్రానికి ఏఆర్ రెహమాన్ సంగీతం అందించనున్నారు.
|
|