'తంగలన్' టీజర్ విడుదలకి తేదీ లాక్
cinema | Suryaa Desk | Published : Fri, Oct 27, 2023, 08:45 PM
దర్శకుడు పా రంజిత్తో స్టార్ హీరో విక్రమ్ 'తంగలన్' సినిమా చేస్తున్న సంగతి అందరికి తెలిసిన విషయమే. ఈ సినిమాపై ప్రేక్షకులకి భారీ అంచనాలు ఉన్నాయి. ఇప్పటికే షూటింగ్ పూర్తి చేసుకున్న ఈ సినిమా పోస్ట్ ప్రొడక్షన్ పనులు శరవేగంగా జరుపుకుంటోంది. తాజాగా ఇప్పుడు మూవీ మేకర్స్ ఈ చిత్రాన్ని జనవరి 26, 2024న ప్రపంచవ్యాప్తంగా విడుదల చేయనున్నట్లు ప్రకటించారు. అదే విషయాన్ని ప్రకటించేందుకు మూవీ మేకర్స్ ఆసక్తికరమైన పోస్టర్ను విడుదల చేశారు. అంతేకాకుండా నవంబర్ 1, 2023న ఈ సినిమా టీజర్ను విడుదల చేయనున్నట్లు మూవీ టీమ్ ప్రకటించింది.
కోలార్ గోల్డ్ ఫీల్డ్స్లో జరిగిన యదార్థ సంఘటన ఆధారంగా తెరకెక్కుతున్న ఈ చిత్రంలో మాళవిక మోహనన్ మరియు పార్వతి తిరువోతు కథానాయికలుగా నటిస్తున్నారు. ఈ సినిమాలో డేనియల్ కాల్టాగిరోన్, పశుపతి తదితరులు కీలక పాత్రల్లో కనిపించనున్నారు. ఈ చిత్రానికి జివి ప్రకాష్ కుమార్ సంగీతం అందించనున్నారు. నీలం ప్రొడక్షన్స్, స్టూడియో గ్రీన్ సంస్థ ఈ సినిమాని నిర్మిస్తుంది.
|
|