ట్రెండింగ్
అజిత్ ఫేవరేట్ ఆర్ట్ డైరెక్టర్ మృతి
cinema | Suryaa Desk | Published : Tue, Oct 17, 2023, 10:49 AM
కోలీవుడ్ అగ్రహీరో అజిత్ ఫేవరేట్ ఆర్ట్ డైరెక్టర్ మిలన్ (54) గుండెపోటుతో ఆదివారం మృతి చెందారు. అజిత్ హీరోగా నటిస్తున్న కొత్త చిత్రం ‘విడాముయర్చి’ చిత్రానికి ఆర్ట్ డైరెక్టర్గా పనిచేస్తున్న మిలన్.. ఈ సినిమా షూటింగ్ నిమిత్తం అజర్బైజాన్లో ఉన్నారు. అక్కడ ఆయన గుండెపోటుకు గురై ప్రాణాలు విడిచారు. ఆదివారం వేకువజామున గుండెల్లో నొప్పిగా ఉందని తన సహచరులతో చెప్పడంతో ఆయనను హుటాహుటిన సమీపంలోని ఆస్పత్రికి తరలిస్తుండగా, మార్గమధ్యంలోనే ఆయన కన్నుమూశారు. ఆయన మృతిపై తమిళ చిత్రపరిశ్రమకు చెందిన పలువురు తమ ప్రగాఢ సంతాపాన్ని, సానుభూతిని వ్యక్తం చేశారు.
|
|