మంచి సినిమాలలో ఒకటిగా ‘పెదకాపు’ నిలుస్తుంది
cinema | Suryaa Desk | Published : Wed, Sep 27, 2023, 12:31 PM
విరాట్ కర్ణను హీరోగా పరిచయం చేస్తూ శ్రీకాంత్ అడ్డాల దర్శకత్వంలో మిర్యాల రవీందర్రెడ్డి నిర్మించిన ‘పెదకాపు 1’ చిత్రం ఈ నెల 29న విడుదల కానుంది. ఈ సందర్భంగా నిర్మాత మంగళవారం మీడియోతో ముచ్చటించారు. ‘అఖండ’ చిత్రం సూపర్ సక్సెస్ తర్వాత ఎలాంటి సినిమా తీయాలనే డైలమా వచ్చింది. ఎవరితో చేసినా మంచి కథ ఉంటేనే మంచి సినిమా అవుతుంది. దానికి స్టార్ యాడ్ అయితే ఇంకా పెద్ద సినిమా అవుతుంది. అటువంటి సమయంలోనే ‘పెదకాపు’ కథ వచ్చింది. తెలుగు చిత్ర పరిశ్రమలో చెప్పుకోదగ్గ చిత్రాలు అరుదుగా ఉంటాయి. వాటిలో ఒకటిగా ‘పెదకాపు’ నిలుస్తుంది. ఈ సినిమా తర్వాత మా సంస్థ జర్నీ మారుతుంది. కొత్త వాళ్లతోనే వర్క్ అవుట్ అయ్యే కథ ఇది. ఆ కథకు సామాన్యుడు కావాలి. ఇది పెద్ద సినిమా అవుతుందనే నమ్మకంతోనే మొదటి నుంచి పెద్దగానే చేశాం. ఒక చరిత్రను ఎలా చూపించాలో అలాగే చూపించాం. 1980ల నాటి పరిస్థితుల్ని ప్రతిబింబించేలా రియల్ లొకేషన్స్లోనే షూట్ చేశాం. తెలుగు సినిమాకు శ్రీకాంత్ అడ్డాల మరో వెట్రిమారన్.సినిమాకు మొదట రకరకాల టైటిల్స్ అనుకున్నాం. ఇది కర్ణ చేసే పోరాటం కనుక ‘కర్ణ’ అనే టైటిల్ పెడితే ఎలా ఉంటుందా అని చర్చించాం. మా దర్శకుడు శ్రీకాంత్గారు లొకేషన్స్ చూడడానికి వెళ్లినప్పుడు ‘పెదకాపు’ అనే వ్యక్తి గురించి విన్నారు. ఆయన చాలా మంచి వ్యక్తి అని తెలిసింది. అందుకే ఆ టైటిల్ పెట్టాం అని తెలియజేసారు.
|
|