కోటి రూపాయలు దానం చెయ్యడానికి సిద్ధమైన విజయ్ దేవరకొండ
cinema | Suryaa Desk | Published : Tue, Sep 05, 2023, 02:23 PM
విజయ్, సమంత జంటగా దర్శకుడు శివ నిర్వాణ దర్శకత్వం వహించిన ‘ఖుషి’ చిత్రం ఈ నెట ఒకటో తేదీన విడుదలై సక్సెస్ఫుల్గా నడుస్తోంది. రెండు రోజుల్లోనే ఈ చిత్రం రూ.50 కోట్ల క్లబ్లోకి చేరింది. ఓవర్సీస్లోనూ సినిమా సంచలనం సృష్టిస్తోంది. ఈ సందర్భంగా వైజాగ్లో ఏర్పాటు చేసిన సక్సెస్ మీట్లో విజయ్ మాట్లాడుతూ... ‘‘వ్యక్తిగతంగా ఒక్కొక్కరినీ కలిసి ‘ఖుషి’ని సెలబ్రేట్ చేసుకోవాలనుంది కానీ అది వీలుపడదు. అందుకే వంద కుటుంబాలను ఎంపిక చేసి ఇక నుంచి నా సంపాదన నుంచి రూ.కోటిని వారికి అందించాలనుంది. ఒక్కో కుటుంబానికి రూ. లక్ష చొప్పున పది రోజుల్లో అందచేస్తా. మనమంతా దేవర ఫ్యామిలీ. నా ఆనందం, సంపాదనను మీతో పంచుకోకపోతే వేస్ట్. నేను అనుకున్న ఈ పని పూర్తయినప్పుడు ‘ఖుషి’ విషయంలో తృప్తిగా ఉంటా. వివరాల కోసం సంబంధిత ఫామ్స్ని సోషల్ మీడియాలో మంగళవారం పోస్ట్ చేస్తాం’’ అని తెలిపారు.
|
|