ట్రెండింగ్
పుష్ప 2 : ఫహద్ ఫాసిల్ ఫస్ట్ లుక్ అవుట్
cinema | Suryaa Desk | Published : Tue, Aug 08, 2023, 06:01 PM
సుకుమార్ దర్శకత్వంలో టాలీవుడ్ ఐకాన్ స్టార్ అల్లు అర్జున్ పుష్ప: ది రైజ్కి సీక్వెల్ గా పుష్ప 2: ది రూల్ సినిమా చేస్తున్న సంగతి అందరికి తెలిసిందే. పుష్ప 2 చిత్రీకరణ ప్రస్తుతం హైదరాబాద్లోని రామోజీ ఫిల్మ్ సిటీలో జరుగుతోంది. తాజాగా ఈరోజు ఫహద్ ఫాసిల్ 41వ పుట్టినరోజు సందర్భంగా పుష్ప 2 చిత్ర బృందం నటుడికి పుట్టినరోజు శుభాకాంక్షలు తెలియజేయడానికి ఒక పోస్టర్ను విడుదల చేసింది.
ఈ చిత్రంలో ఫహద్ ఫాసిల్ భన్వర్ సింగ్ షెకావత్ అనే పోలీసాఫీసర్ పాత్రలో నెగిటివిటీ షేడ్స్ ఉన్న పాత్రను పోషిస్తున్నాడు. ఈ సినిమాలో అల్లు అర్జున్కి జోడీగా రష్మిక మందన్న నటిస్తుండగా, అనసూయ భరద్వాజ్, సునీల్, జగదీష్ తదితరులు ముఖ్యమైన పాత్రలు పోషిస్తున్నారు. దేవి శ్రీ ప్రసాద్ సంగీతం అందించిన పుష్ప 2ని మైత్రీ మూవీ మేకర్స్ ప్రతిష్టాత్మకంగా నిర్మిస్తోంది.
|
|